Journal of Lao Economics and Business Management

ສຶກສາປັດໄຈທີ່ມີຜົນຕໍ່ຄວາມສາມາດດ້ານວິຊາການຂອງບຸກຄະລາກອນໃນມະຫາວິທະຍາໄລ ແຫ່ງຊາດ

2023-01-05T03:52:17+00:00

ບົດຄັດຫຍໍ້

ບົດຄົ້ນຄວ້ານີ້ແມ່ນມີຈຸດປະສົງເພື່ອສຶກສາປັດໄຈທີ່ມີຜົນຕໍ່ຄວາມສາມາດດ້ານວິຊາການຂອງບຸກຄະລາກອນໃນມະຫາວິທະຍາໄລແຫ່ງຊາດ. ໂດຍນຳໃຊ້ຂໍ້ມູນປະຖົມພູມທີ່ໄດ້ຈາກການເກັບກຳຂໍ້ມູນດ້ວຍແບບສອບຖາມຈາກບຸກຄະລາກອນພາຍໃນ 3 ຄະນະວິຊາ, ເຊິ່ງໃນຕົວຈິງສາມາດເກັບກຳຈຳນວນທັງໝົດໄດ້ 134 ຄົນ. ເຊິ່ງໄດ້ນຳໃຊ້ແບບຈຳລອງໂທບິດ (Tobit) ໃນການຄາດປະມານຫາຄ່າທີ່ສະແດງຜົນກະທົບຂອງປັດໄຈທີ່ມີຜົນຕໍ່ຄວາມສາມາດດ້ານວິຊາການ. ຈາກຜົນການສຶກສາພົບວ່າປັດໄຈທີ່ມີຜົນຕໍ່ຄວາມສາມາດດ້ານວິຊາການໃນດ້ານບວກປະກອບມີ ດ້ານງົບປະມານ ແລະ ການສຶກສາຢູ່ຕ່າງປະເທດ. ນອກຈາກນີ້ແລ້ວ, ຜົນການສຶກສາຍັງພົບອີກວ່າ ບຸກຄະລາກອນທີ່ມີວຸດທິການສຶກສາລະດັບປະລິນຍາເອກຈະມີຄວາມສາມາດດ້ານວິຊາການໃນການຂຽນເຮັດບົດຄົ້ນຄວ້າເພີ່ມຂື້ນ 3 ບົດ ແລະ ການເຂົ້າຮ່ວມເຜີຍແຜ່ຜົນການຄົ້ນຄວ້າໃນກອງປະຊຸມວິຊາການເພີ່ມຂື້ນ 4 ຄັ້ງເມືອນທຽບກັບບຸກຄະລາກອນທີ່ມີວຸດທິການສຶກສາລະດັບປະລິນຍາໂທ ແລະ ລະດັບປະລິນຍາຕີ. ສະນັ້ນ, ເພື່ອເປັນການສົ່ງເສີມໃຫ້ບຸກຄະລາກອນໃນມະຫາວິທະຍາໄລແຫ່ງຊາດມີຄວາມອາດສາມາດດ້ານວິຊາການເພີ່ມຂື້ນ. ທາງມະຫາວິທະຍາໄລຄວນສົ່ງເສີມໃຫ້ບຸກຄະລາກອນໄດ້ເຂົ້າເຖິງງົບປະມານໃນດ້ານວິຊາການໃຫ້ຫຼາຍຂື້ນ, ສົ່ງເສີມໃຫ້ໄດ້ໄປສຶກສາຢູ່ທີ່ຕ່າງປະເທດໃຫ້ຫຼາຍຂື້ນ ແລະ ໃຫ້ມີວຸດທິການສຶກສາລະດັບປະລິນຍາເອກຫຼາຍຂື້ນ. ຄຽງຄູ່ກັນນັ້ນບຸກຄະລາກອນກໍ່ຕ້ອງມີຄວາມບຸກບືນສູ້ຊົນໃນການພັດທະນາຕົນເອງໄປພ້ອມ, ເພື່ອປະກອບສ່ວນຜົນງານດ້ານວິຊາການໃຫ້ຫຼາຍຂື້ນທັງທາງດ້ານຄຸນນະພາບ ແລະ ປະລິນມານໃຫ້ທຽບເທົ່າສາກົນ.

ຄຳສຳຄັນ: ຄວາມສາມາດດ້ານວິຊາການ; ບຸກຄະລາກອນ; ແບບຈໍາລອງ Tobit.

ປັດໄຈ ກໍານົດຄ່າໃຊ້ຈ່າຍ ຂອງນັກທ່ອງທຽ່ວ ໃນ ສປປ ລາວ

2023-01-05T05:55:13+00:00

ບົດຄັດຫຍໍ້

ປັດໄຈທີ່ເປັນຕົວກໍານົດ ຄ່າໃຊ້ຈ່າຍຂອງນັກທ່ອງທຽ່ວຕ່າງປະເທດ ໃນສປປ ລາວ ມີຈຸດປະສົງ ສຶກສາ ລັກສະນະຂອງນັກທ່ອງທ່ຽວຕ່າງປະເທດ ແລະ ຄາດປະມານປັດໄຈທີ່ມີຜົນ ຕໍ່ກັບການໃຊ້ຈ່າຍໃນການທ່ອງທ່ຽວລາວ. ໂດຍອີງໃສຂໍ້ມູນຈາກການສໍາຫຼວດ ນັກທ່ອງທ່ຽວຕ່າງປະເທດ ທີ່ເຂົ້າມາ ສປປລາວ ໃນຊ່ວງ ທ້າຍປີ 2017 ແລະ ຕົ້ນປີ 2018 ຈໍານວນ 746 ຄົນ. ຜົນຈາກການສໍາຫຼວດເຫັນວ່າ ມີນັກທ່ອງທ່ຽວທີ່ເປັນເພດຍິງ 43 ສ່ວນຮ້ອຍ, ມີອາຍຸສະເລ່ຍເທົ່າກັບ 39.21 ປີ ແລະ ແຕ່ງງານແລ້ວ 46 ສ່ວນຮ້ອຍ. ນັກທ່ອງທ່ຽວສ່ວນໃຫຍ່ ເປັນພະນັກງານບໍລິສັດເອກກະຊົນ, ສໍາລັບນັກທ່ອງທ່ຽວທີ່ບໍານານແລ້ວ ມີຈໍານວນໜ້ອຍຫລາຍ. ລາຍຮັບສະເລ່ຍຂອງກຸ່ມຕົວຢ່າງເທົ່າກັບ 8611 ໂດລາສະຫະລັດ ຕໍ່ເດືອນ ແລະ ມີຄ່າໃຊ້ຈ່າຍສະເລ່ຍຕໍ່ມື້ 264 ໂດລາສະຫະລັດ ໃນໄລຍະທ່ອງທ່ຽວຢູ່ລາວ. ນັກທ່ອງທ່ຽວກຸ່ມທີ່ໃຫຍ່ສຸດ ແມ່ນມາຈາກພາກພື້ນກຸ່ມປະເທດເອີຣົບ. ນອກນັ້ນ, ລະດັບຄວາມພໍໃຈຂອງນັກທ່ອງທ່ຽວຕໍ່ການຕ້ອນຮັບແມ່ນມີຄະແນນຄ່າສະເລ່ຍສູງ.

ການຄາດປະມານຕົວກຳນົດຄ່າໃຊ້ຈ່າຍຂອງນັກທ່ອງທຽ່ວ ດ້ວຍວິທີກໍຳລັງສອງນ້ອຍສຸດ ປະກອບດ້ວຍ ລະດັບການສຶກສາ, ສັນຊາດ, ລາຍໄດ້, ຈໍານວນຜູ່ຮ່ວມເດີນທາງ ແລະ ການມາທ່ຽວລາວເປັນປະເທດສຸດທ້າຍກ່ອນກັບປະເທດຕົນເອງ ແມ່ນເຮັດໃຫ້ການໃຊ້ຈ່າຍສູງຂື້ນ. ໝາຍຄວາມວ່າ ການມາທ່ຽວລາວກ່ອນກັບບ້ານຈະເຮັດໃຫ້ການໃຊ້ຈ່າຍເພີ່ມຂື້ນ ເທົ່າກັບ 96.01 ສ່ວນຮ້ອຍ. ພ້ອມນັ້ນ, ການທ່ອງທ່ຽວປະເທດລາວເພີ່ມຂື້ນ 1 ມື້ຈະເຮັດໃຫ້ການໃຊ້ຈ່າຍຕໍ່ມື້ຫຼຸດລົງ 2.18 ສ່ວນຮ້ອຍ. ຜົນຈາກການສຶກສານີ້ໃຫ້ເຫັນເຖີງກຸ່ມຂອງຄວາມ ນັກທ່ອງທ່ຽວສໍາຄັນຕໍ່ການສ້າງລາຍຮັບ ແກ່ຂະແຫນງການທ່ອງທ່ຽວຂອງລາວ ແລະ ການສ້າງໂອກາດ ແລະ ພັກດັນໃຫ້ລາວເປັນປະເທດສຸດທ້າຍສຳລັບການທ່ອງທ່ຽວໃນພູມີພາກຈະມີຜົນປະໂຫຍດສູງສຸດແກ່ການທ່ອງທ໋ຽວ.

ຄໍາສັບທີ່ສຳຄັນ: ນັກທ່ອງທ່ຽວ, ຄ່າໃຊ້ຈ່າຍ, ການທ່ອງທຽ່ວ, ສ ປ ປ ລາວ.

ວິເຄາະປັດໄຈກຳນົດລາຄາຫ້ອງພັກຂອງໂຮງແຮມໃນນະຄອນຫຼວງວຽງຈັນ ດ້ວຍວິທີ Hedonic pricing model

2023-01-05T06:01:41+00:00

ບົດຄັດຫຍໍ້

ການວິເຄາະປັດໄຈກຳນົດລາຄາຫ້ອງພັກຂອງໂຮງແຮມໃນນະຄອນຫຼວງວຽງຈັນດ້ວຍວິທີ Hedonic pricing model ມີຈຸດປະສົງສຶກສາ ຄຸນລັກສະນະ, ສິ່ງອຳນວຍຄວາມສະດວກ, ສະພາບແວດລ້ອມ ແລະ ວິເຄາະປັດໄຈທີ່ມີຜົນຕໍ່ການກຳນົດລາຄາຂອງຫ້ອງພັກໂຮງແຮມໃນນະຄອນຫຼວງວຽງຈັນ. ການສືກສາຄັ້ງນີ້ນໍາໃຊ້ຂໍ້ມູນຈາກເວັບໄຊ www.agoda.com ແລະ www.booking.com ມີຈຳນວນ 219 ໂຮງແຮມ, ທັງໝົດ 909 ຫ້ອງພັກ ທີ່ກຳລັງເປີດບໍລິການໃຫ້ແກ່ລຸກຄ້າຢູ່ໃນປີ ຕົ້ນປີ 2020.

ລາຄາຫ້ອງພັກໃນນະຄອນຫຼວງວຽງຈັນແມ່ນມີລາຄາຢູ່ລະຫວ່າງ 1 ຫາ 50 ໂດລາສະຫະລັດ ມີຈໍານວນ 725 ຫ້ອງ, ໂດຍສະເລ່ຍແລ້ວລາຄາຕໍ່ຫ້ອງແມ່ນ 47 ໂດລາສະຫະລັດ ຕໍ່ສອງຄົນ ຕໍ່ຄືນ. ມີໂຮງແຮມລະດັບ 3 ດາວ ກວມເອົາສັດສ່ວນຫລາຍກວ່າໝູ່. ມີ 645 ຫ້ອງ ທີ່ບໍ່ສາມາດເຫັນເບີ່ງວີວຂອງຕົວເມືອງໄດ້ ແລະ ມີພຽງແຕ່ 50 ຫ້ອງ ເທົ່ານັ້ນ ສາມາດເຫັນວິວແມ່ນໍ້າຂອງໄດ້. ອີກດ້ານນຶ່ງ, ທີ່ຕັ້ງຂອງໂຮງແຮມໂດຍສະເລ່ຍຈະຫ່າງຈາກໃຈກາງເມືອງພຽງ 1.2 ກິໂລ ແມັດ ແລະ 69 ສ່ວນຮ້ອຍ ໃຫ້ບໍລິການອາຫານເຊົ້າ. ນອກຈາກນັ້ນ, ທຸກໆໂຮງແຮມໃນນະຄອນຫລວງວຽງຈັນ ສາມາດນໍາໃຊ້ wi-fi ໄດ້ 93 ສ່ວນຮ້ອຍ ແລະ 96 ສ່ວນຮ້ອຍ ມີບ່ອນຈອດລົດ ທີ່ອໍານວຍຄວາມສະດວກໃຫ້ລູກຄ້າທີ່ເຂົ້າພັກ.

ປັດໄຈທີ່ມີຜົນຕໍ່ລາຄາຫ້ອງພັກຂອງໂຮງແຮມໃນ ນະຄອນຫຼວງວຽງຈັນ ປະກອບມີ ຫ້ອງທີ່ມີຕຽງຂະໜາດໃຫ່ຍການໃຫ້ບໍລິການ 24 ຊົ່ວໂມງ, ມີການຮັກສາຄວາມປອດໄພດີ, ມີບໍລິການອາຫານເຊົ້າ ແລະ ສະລອຍນໍ້າ. ຫ້ອງທີ່ສາມາດເຫັນວີວແມ່ນ້ຳ ຈະມີລາຄາຂອງຫ້ອງສູງກ່ວາ ຫ້ອງບໍ່ມີວີວ 8.59 ໂດລາສະຫະລັດ ແລະ ປະເພດຫ້ອງ Deluxe room ລາຄາຂອງຫ້ອງສູງກ່ວາ ຫ້ອງທຳມະດາ 7.3 ໂດລາສະຫະລັດ. ນອກຈາກນັ້ນ, ຂະໜາດໂຮງແຮມ, ຈຳນວນຄົນລີວີວ ແລະ ຂະໜາດຫ້ອງ ເຮັດໃຫ້ລາຄາຫ້ອງພັກເພີ່ມຂື້ນເຊັ່ນກັນ. ປັດໃຈເຫລົ່ານີ້, ສາມາດເປັນນະໂຍບາຍການກໍານົດລາຄາຂອງຫ້ອງພັກ ຂອງທຸລະກິດໂຮງແຮມ ໃນອຸດສາຫະກຳ ການທ່ອງທ່ຽວໃນນະຄອນຫຼວງວຽງຈັນໄດ້.

ຄໍາສັບທີ່ສຳຄັນ: Hedonic pricing method; price; room rate; hotels; Vientiane; La

ປະເມີນກາງສະໄໝການຈັດຕັ້ງປະຕິບັດແຜນແມ່ບົດປະຊາຄົມເສດຖະກິດອາຊຽນ 2015-2025 ຂອງ ສປປ ລາວ

2023-01-05T06:09:27+00:00

ບົດຄັດຫຍໍ້

ຈາກຜົນສໍາເລັດໃນການຈັດຕັ້ງປະຕິບັດປະຊາຄົມເສດຖະກິດອາຊຽນໃນປີ 2015, ຜູ້ນໍາອາຊຽນໄດ້ສືບຕໍ່ ສ້າງແຜນແມ່ບົດປະຊາຄົມເສດຖະກິດອາຊຽນ 2016-2025 ໃນກອງປະຊຸມສຸດຍອດອາຊຽນ ຄັ້ງທີ 27 ໃນວັນທີ 22 ພະຈິກ 2015, ເຊິ່ງແຜນແມ່ບົດດັ່ງກ່າວນີ້ມີໄລຍະການຈັດຕັ້ງປະຕິບັດພາຍໃນ 10 ປີ. ເພື່ອຕິດຕາມຄວາມ ຄືບໜ້າ ແລະ ປະເມີນຜົນສຳເລັດ ແລະ ສິ່ງທ້າທາຍຈາກການຈັດຕັ້ງປະຕິບັດແຜນແມ່ບົດດັ່ງກ່າວ. ຈຸດປະສົງບົດຄົ້ນ ຄ້ວານີ້ເພື່ອ ວິເຄາະຜົນຂອງການຈັດຕັ້ງປະຕິບັດແຜນງານປະຊາຄົມເສດຖະກິດອາຊຽນ 2025 ຕາມແຕ່ລະເປົ້າ ໝາຍ ແລະ ປະເມີນຜົນກະທົບຂອງການຈັດຕັ້ງປະຕິບັດແຜນປະຊາຄົມເສດຖະກິດອາຊຽນຕໍ່ກັບການພັດທະນາເສດ ຖະກິດ-ສັງຄົມ. ໂດຍນຳໃຊ້ແບບຈຳລອງ Autoregressive ເພື່ອປະເມີນຜົນກະທົບດັ່ງກ່າວຢູ່ ສປປ ລາວ ແລະ ໄດ້ລົງສຳພາດຕົວຈິງກັບຂະແໜງການທີ່ກ່ຽວຂ້ອງທັງພາກລັດ ແລະ ພາກທຸລະກິດເພື່ອຕິດຕາມຄວາມຄືບໜ້າຂອງການຈັດຕັ້ງປະຕິບັດແຜນແມ່ບົດປະຊາຄົມເສດຖະກິດອາຊຽນກາງສະໄໝ. ຜົນໄດ້ຮັບຈາກການສຶກສາພົບວ່າ ຄວາມຄືບໜ້າຂອງການຈັດຕັ້ງປະຕິບັດແຜນງານປະຊາຄົມເສດຖະກິດອາຊຽນກາງສະໄໝ ແມ່ນສາມາດປະຕິບັດໄດ້ສຳ ເລັດ 21.3% ຂອງແຜນງານທັງໝົດ, 65% ແມ່ນກໍາລັງຢູ່ໃນຂັ້ນຕອນການຈັດຕັ້ງປະຕິບັດ ແລະ 13.7% ແມ່ນບໍ່ທັນໄດ້ຈັດຕັ້ງປະຕິບັດ. ຜົນຂອງການຄາດປະມານຊີ້ໃຫ້ເຫັນວ່າ ຜົນກະທົບຂອງ AEC ທີ່ມີຜົນກະທົບທາງບວກຕໍ່ກັບການສົ່ງອອກ ແລະ ການລົງທຶນໂດຍກົງຈາກຕ່າງປະເທດ ແລະ ມີຄວາມສຳຄັນທາງສະຖິຕິໃນລະດັບ 10%.

ຄຳສັບສຳຄັນ: ປະຊາຄົມເສດຖະກິດອາຊຽນ (AEC), ແຜນປະຕິບັດງານຍຸດທະສາດລວມ ແລະ ຜົນກະທົບຂອງ AEC ຕໍ່ເສດຖະກິດ ແລະ ສັງຄົມ.

ສຶກສາຕ່ອງໂສ້ມູນຄ່າເພີ່ມຂອງເຂົ້າໄກ່ນ້ອຍໃນການຜະລິດເປັນວາຍຂອງໂຮງງານຫັດຖະກຳປຸງ ແຕ່ງ ສະຕິກກີ້ວາຍ ແລະ ເຫຼົ້າຂາວ ສ່ວນບຸກຄົນ ແຂວງຊຽງຂວາງ

2023-01-05T06:16:09+00:00

ບົດຄັດຫຍໍ້

ບົດຄົ້ນຄວ້ານີ້ແມ່ນສຶກສາຕ່ອງໂສ້ມູນຄ່າເພີ່ມຂອງເຂົ້າໄກ່ນ້ອຍ ໃນການຜະລິດເປັນວາຍຂອງໂຮງງານຫັດຖະກໍາປຸງແຕ່ງສະຕິກກີ້ວາຍ ແລະ ເຫຼົ້າຂາວສ່ວນບຸກຄົນ ແຂວງຊຽງຂວາງ, ຈຸດປະສົງຂອງການຄົ້ນຄວ້າຄັ້ງນີ້ແມ່ນເພື່ອ ສຶກສາສະພາບລວມໃນການຜະລິດເຂົ້າໄກ່ນ້ອຍຂອງແຂວງຊຽງຂວາງ ແລະ ວິເຄາະ ຕ່ອງໂສ້ມູນຄ່າ ເພີ່ມການຜະລິດ ແລະ ແປ ຮູບເຂົ້າໄກ່ນ້ອຍມາເປັນວາຍ. ເຊິ່ງໄດ້ນໍາໃຊ້ຂໍ້ມູນທຸຕິຍະພູມ ມາວິເຄາະເຖິງສະພາບລວມ ຂອງການຜະລິດເຂົ້າໄກ່ນ້ອຍໃນ ແຂວງຊຽງຂວາງ ແລະ ນຳໃຊ້ຂໍ້ມູນປະຖົມພູມ ເຂົ້າໃນການວິເຄາະມູນຄ່າເພີ່ມ ແບບພັນລະນາ ໂດຍການລົງສໍາພາດ ແລະ ເກັບຂໍ້ມູນ ຕົວຈິງກັບພາກສ່ວນທີ່ກ່ຽວຂ້ອງໃນແຂວງຊຽງຂວາງເປັນຕົ້ນແມ່ນ ຊາວນາຜູ້ປູກເຂົ້າໄກ່ນ້ອຍ, ເຈົ້າຂອງໂຮງສີ ແລະ ເຈົ້າຂອງໂຮງງານຫັດຖະກໍາປຸງແຕ່ງສະຕິກກີ້ວາຍ ແລະ ເຫຼົ້າຂາວສ່ວນບຸກຄົນ ແຂວງຊຽງຂວາງ ແລ້ວນຳເອົາຂໍ້ມູນເຫຼົ້ານັ້ນ ມາວິ ເຄາະໃນ Microsoft excel ໂດຍອີງໃສ່ບົດວິໄຈຂອງ World Bank, 2018 ແລ້ວອະທິບາຍຜົນ ຕາມແບບ ຈໍາລອງຕ່ອງໂສ້ມູນຄ່າເພີ່ມຂອງ Michael. E. Porter (1985). ຈາກຜົນການສຶກສາພົບວ່າ ແຂວງຊຽງຂວາງ ມີເນື້ອທີ່ປູກເຂົ້າໄກ່ນ້ອຍທັງໝົດ 12,500 ເຮັກຕາ ກວມເອົາ 48.98%, ສາມາດຜະລິດເຂົ້າໄກ່ ນ້ອຍໄດ້ 55,240 ໂຕນ/ປີ, ກວມເອົາ 60.19% ຂອງການຜະລິດເຂົ້າທັງໝົດ. ການສົ່ງອອກນັບແຕ່ປີ 2016-2020 ແມ່ນມີມູນຄ່າເພີ່ມຂຶ້ນຄື ໃນປີ 2020 ມີມູນຄ່າການສົ່ງອອກເຂົ້າທັງໝົດ 4,650,063 ໂດລາ ຕະຫຼາດຫຼັກທີ່ສົ່ງອອກແມ່ນປະເທດຫວຽດນາມ. ສໍາລັບຕ່ອງໂສ້ມູນຄ່າເພີ່ມ ຂອງການຜະລິດເຂົ້າໄກ່ນ້ອຍມາເປັນວາຍ ແມ່ນໃນຂະບວນການ ຜົນຜະລິດທຽບໃສ່ຕົ້ນທຶນ 1 ກິໂລກຣາມ ແມ່ນຊາວນາຜູ້ປູກເຂົ້າມີກຳໄລ 2,093 ກີບ/ ກິໂລກຣາມ, ໂຮງສີຂະໜາດ ກາງ ມີກຳໄລ 2,600 ກີບ/ກິໂລກຣາມ ແລະ ຜູ້ປຸງແຕ່ງຜະລິດຕະພັນວາຍມີກຳໄລ 52,000 ກີບ/ກິໂລກຣາມ. ເມື່ອປຽບທຽບ ອັດຕາມູນຄ່າເພີ່ມຢູ່ໃນ ແຕ່ລະຂອດຂອງການຜະລິດ ເຫັນວ່າຜູ້ປຸງ ແຕ່ງຜະລິດຕະພັນວາຍ ສາມາດສ້າງມູນຄ່າເພີ່ມ ໄດ້ຫຼາຍສຸດກວມເອົາ 91.72%, ຮອງລົງມາແມ່ນ ພໍ່ຄ້າ ຫຼື ໂຮງສີຂະໜາດກາງ ສາມາດສ້າງມູນ ຄ່າເພີ່ມໄດ້ 4.58% ແລະ ຊາວນາຜູ້ປູກເຂົ້າໄກ່ນ້ອຍ ສາມາດສ້າງມູນຄ່າ ເພີ່ມໄດ້ 3.69% ຕາມລໍາດັບ.

ຄໍາສັບສໍາຄັນ: ເຂົ້າ, ມູນຄ່າເພີ່ມ, ຊາວນາ, ການສົ່ງອອກ

ສຶກສາຜົນກະທົບຂອງການລະບາດຂອງພະຍາດ Covid-19 ຕໍ່ກັບລາຍຮັບຜູ້ປະກອບການໂຮງແຮມ ແລະ ເຮືອນພັກ ໃນເມືອງວັງວຽງ ແຂວງວຽງຈັນ

2023-01-05T06:23:16+00:00

ບົດຄັດຫຍໍ້

ການສຶກສາ “ຜົນກະທົບຂອງຂອງການລະບາດຂອງພະຍາດ Covid-19 ຕໍ່ລາຍຮັບຜູ້ປະກອບການຂອງໂຮງແຮມ ແລະ ເຮືອນພັກ ໃນເຂດເທດສະບານເມືອງວັງວຽງ ແຂວງວຽງຈັນ” ເປັນການສຶກສາທີ່ມີຈຸດປະສົງຫຼັກແມ່ນ ສຶກສາຜົນກະທົບຂອງການລະບາດຂອງພະຍາດ Covid-19 ຕໍ່ລາຍຮັບຜູ້ປະກອບການໂຮງແຮມ ແລະ ເຮືອນພັກໃນເທດສະບານເມືອງວັງວຽງ ແຂວງວຽງຈັນ. ການສຶກສາຄັ້ງນີ້ທີມງານຜູ້ສຶກສາໄດ້ນໍາໃຊ້ແບບຈໍາລອງໂພຣບິດແບບຮຽງລໍາດັບ (Ordered Probit model) ແລະ ຄາດປະມານຜົນກະທົບສ່ວນເພີ່ມ (Marginal effects) ສໍາລັບຄວາມແຕກຕ່າງລະຫວ່າງ 2 ກຸ່ມຂຶ້ນໄປ ໃນການປະມານຄ່າຄວາມສ່ຽງຂອງໂອກາດທີ່ຈະເກີດຂຶ້ນໃນແຕ່ລະລະດັບທາງເລືອກຂອງລະດັບຜົນກະທົບຕໍ່ລາຍຮັບລວມທີ່ເກີດຈາກຂອງການລະບາດຂອງພະຍາດ Covid-19. ຜົນໄດ້ຮັບຈາກການສຶກສາໄດ້ພົບວ່າ: ປັດໄຈທີ່ເຮັດໃຫ້ທຸລະກິດໄດ້ຮັບຜົນກະທົບໜ້ອຍ ຫຼື ຫຼາຍນັ້ນຂຶ້ນກັບໄລຍະການດໍາເນີນທຸລະກິດ, ຮູບແບບການດໍາເນີນທຸລະກິດ, ລັກສະນະທຸລະກິດ, ຢູ່ຕິດທາງໃຫຍ່ ແລະ ມີບັນຊີໃນ web Agoda.

ຄໍາສັບສໍາຄັນ: ຜົນກະທົບຂອງການລະບາດຂອງ ໂຄວິດ-19, ຜູ້ປະກອບການ, ບ້ານພັກ, ໂຮແຮມ

ການວັດແທກຄວາມເຕັມໃຈຈ່າຍຕໍ່ການບໍລິໂພກປາສະອາດໃນ ສ.ປ.ປ.ລາວ

2023-01-05T06:29:54+00:00

ບົດຄັດຫຍໍ້

ໃນຊີວິດປະຈຳວັນຄົນເຮົາທຸກຄົນແມ່ນໃຫ້ຄວາມສຳຄັນກັບການບໍລິໂພກອາຫານ ເພື່ອເສີມສ້າງສຸຂະພາບໃຫ້ແຂງແຮງຕາມໄວ ໂດຍສະເພາະອາຫານທີ່ສະອາດມີຄວາມປອດໄພ ເປັນສິ່ງທີ່ທຸກຄົນຕ້ອງການທຸກເພດທຸກໄວ. ສະນັ້ນການກວດກາຄຸນນະພາບອາຫານຈິ່ງມີຄວາມຈຳເປັນ ເພື່ອຫຼຸດຜ່ອນຄ່າໃຊ້ຈ່າຍຮັກສາສຸຂະພາບ ແລະ ທັງເປັນການສະໜັບສະໜູນສະຫວັດດີການທາງສັງຄົມມີຄວາມໝັ້ນຄົງ. ຈາກເຫັນຄວາມສຳຄັນດັ່ງກ່າວ ຈິ່ງໄດ້ສຶກສາການວັດແທກຄວາມເຕັມໃຈຈ່າຍຕໍ່ການບໍລິໂພກປາສະອາດໃນ ສປປ ລາວ, ມີຈຸດປະສົງປະເມີນຄວາມເຕັມໃຈຈ່າຍຂອງຜູ້ບໍລິໂພກຕໍ່ກັບການບໍລິໂພກປາທີ່ມີຄວາມປອດໄພ, ແລະ ປະເມີນລັກສະນະຂອງອາຫານຕໍ່ຄວາມເຕັມໃຈຈ່າຍ ນຳໃຊ້ວິທີການສຶກສາແບບປະລິມານ ໂດຍໃຊ້ວິທີການວິເຄາະແບບ DCE (Discrete Choice Experiment) ເຂົ້າໃນການຄິດໄລ່ທາງເລືອກໃນການຕັດສິນໃຈ ແລະ ຄໍານວນໂດຍ Conditional Logit ເພື່ອຊອກຫາຄ່າຄວາມເຕັມໃຈຈ່າຍ.

ຈາກຜົນການສຶກສາໃນຄັ້ງນີ້ເຫັນວ່າມູນຄ່າຄວາມພໍໃຈຈ່າຍຂອງຜູ່ບໍລິໂພກຕໍ່ກັບສິນຄ້າທີ່ມີເຄື່ອງໝາຍອະນຸຍາດຈາກກົມອາຫານ ແລະ ຢາ ເຮັດໃຫ້ຄວາມພໍໃຈຈ່າຍຊື້ປາເພີ່ມຂຶ້ນ. ນອກຈາກນັ້ນອາຫານສະອາດທີ່ມີບັນຈຸພັນ ຫຼື ທີ່ມີການຫຸ້ມຫໍ່ຈະເຮັດໃຫ້ຄວາມພໍໃຈຈ່າຍຂອງຜູ້ບໍລິໂພກເພີ່ມຂຶ້ນເຊັນດຽວກັນ, ໃນຂະນະທີ່ອາຫານສະອາດ ທີ່ມີການບົ່ງບອກຊື່ຜູ້ຜະລິດຈະເຮັດໃຫ້ຄວາມພໍໃຈຈ່າຍເພີ່ມຂຶ້ນ. ສ່ວນສະຖານທີ່ໃນການຈຳໜ່າຍປາ ເຫັນວ່າມີຄວາມພໍໃຈຈ່າຍແຕກຕ່າງກັນລະຫວ່າງຊຸບເປີມາເກັດ, ຕະຫຼາດ, ແລະ ລໍ້ຂາຍເຄື່ອງ.

ຄຳສັບສຳຄັນ: ການບໍລິໂພກປາສະອາດ

ການບໍລິໂພກຜະລິດຕະພັນປາສະອາດ

ສຶກສາພຶດຕິກຳ ແລະ ປັດໄຈທີ່ມີຜົນຕໍ່ການຍອມຮັບເຕັກໂນໂລຊີທາງການເງິນແອັບພິເຄຊັ່ນ Mobile Banking ຂອງຜູ້ໃຊ້ບໍລິການໃນນະຄອນຫລວງວຽງຈັນ

2023-01-05T06:35:25+00:00

ບົດຄັດຫຍໍ້

ການສຶກສາພຶດຕິກຳ ແລະ ປັດໄຈທີ່ມີຜົນຕໍ່ການຍອມຮັບເຕັກໂນໂລຊີທາງການເງິນແອັບພິເຄຊັ່ນ Mobile Banking ຂອງຜູ້ໃຊ້ບໍລິການໃນນະຄອນຫລວງວຽງຈັນ ໂດຍຈຸດປະສົງເພື່ອຊອກຮູ້ພຶດຕິກໍາການນໍາໃຊ້ແອັບພິເຄຊັ່ນທີ່ມີຜົນຕໍ່ການຍອມຮັບເຕັກໂນໂລຊີທາງການເງິນ ແລະ ເພື່ອປະເມີນລະດັບຄວາມສຳຄັນຂອງປັດໄຈທີ່ມີຜົນຕໍ່ການຍອມຮັບເຕັກໂນໂລຊີທາງການເງິນແອັບພິເຄຊັ່ນ Mobile Banking ຂອງຜູ້ໃຊ້ບໍລິການໃນນະຄອນຫລວງວຽງຈັນ. ໂດຍໄດ້ນໍາໃຊ້ຂໍ້ມູນປະຖົມພູມທີ່ໄດ້ຈາກການສອບຖາມລູກຄ້າຜູ້ທີ່ຊົມໃຊ້ໃນນະຄອນຫຼວງວຽງຈັນຈໍານວນ 399 ຕົວຢ່າງ ແລະ ນໍາໃຊ້ວິທີການຄົ້ນຄວ້າແບບປະລິມານຊື່ງຜ່ານການຄົ້ນຄ້ວາໄດ້ຜົນດັ່ງນີ້: ຜົນການຄົ້ນ ຄ້ວາຂໍ້ມູນທົ່ວຂອງຜູ້ຕອບແບບສອບຖາມພົບວ່າ: ເພດຍິງຕອບແບບສອບຖາມຫຼາຍກວ່າມີຈຳນວນ 214 ຄົນ ກວມ 53.6%, ດ້ານອາຍຸເຫັນວ່າຊ່ວງອາຍຸ 29 ຫາ 39 ປີ ຕອບແບບຖາມຫຼາຍກວ່າໝູ່ເຊີ່ງມີຈໍານວນ 198 ຄົນ ກວມເອົາ 49.6%, ສໍາລັບລະດັບການສືກສາ ເຫັນວ່າຢູ່ໃນລະດັບລິນຍາຕີແມ່ນກວມເອົາຫຼາຍກວ່າໝູ່ມີຈຳ ນວນ 281 ຄົນ ກວມເອົາ 70.4%, ສໍາລັບດ້ານອາຊີບແມ່ນເຫັນວ່າພະນັກງານລັດ/ລັດວິສະຫະກິດມີຈຳນວນ 169 ຄົນ ກວມເອົາ 42.4%, ສຳລັບດ້ານລາຍຮັບແມ່ນເຫັນວ່າຜູ້ທີ່ມີລາຍຮັບຫຼາຍກວ່າ 4,000,001 ກີບຂື້ນໄປ ກວມເອົາຫຼາຍກວ່າໝູ່ມີຈໍານວນ 189 ຄົນ ກວມເອົາ 47.4%. ຜົນການຄົ້ນຄ້ວາຂໍ້ມູນດ້ານພຶດຕິກຳຂອງຜູ້ນຳໃຊ້ ແອັບພິເຄຊັ່ນ Mobile Banking ໃນນະຄອນຫຼວງວຽງຈັນພົບວ່າ: ຜູ້ຕອບແບບສອບຖາມນຳໃຊ້ BCEL ONE ແມ່ນມີຈຳນວນ 157 ຄົນ ກວມເອົາ 39,2%, ທະນາຄານພັດທະນາລາວ LDB Trust ມີຈຳນວນ 108 ຄົນ ກວມເອົາ 27%, ທະນາຄານຮວ່ມພັດທະນາ JDB Yes Pay ມີຈໍານວນ 60 ຄົນ ກວມເອົາ 15% ແລະ ທະນາ ຄານຮວ່ມທຸລະກິດລາວ-ຫວຽດ LVB DigiBank ມີ 74 ຄົນ ກວມເອົາ 18,8%. ການນໍາໃຊ້ແອັບພິເຄຊັ່ນ Mobile Banking ສ່ວນຫຼາຍແມ່ນໃຊ້ເພື່ອຊໍາລະຄ່າສິນຄ້າ ຫຼື ການບໍລິການຫຼາຍກວ່າໝູ່ ມີຈໍານວນ 153 ຄົນ ກວມເອົາ 38.3%, ສະຖານທີ່ມັກນໍາໃຊ້ແອັບພິເຄຊັ່ນ Mobile Banking ຫຼາຍກວ່າໝູ່ແມ່ນບ່ອນເຮັດວຽກຫຼາຍກວ່າໝູ່ ມີຈໍານວນ 181 ຄົນ ກວມເອົາ 45.4%, ຄວາມຖີ່ໃນການນຳໃຊ້ແອັບພິເຄຊັ່ນ Mobile Banking ແມ່ນຫລາຍກວ່າ 6 ຄັ້ງຕໍ່ອາທິດ ຫລາຍກວ່າໝູ່ ມີຈໍານວນ 281 ຄົນ ກວາມເອົາ 70.4%, ລູກຄ້າສ່ວນໃຫຍ່ຮູ້ຈັກ ແອັບພິເຄຊັ່ນ Mobile Banking ໂດຍຜ່ານການແນະນຳຂອງພະນັກງານ ທະນາຄານ ມີ ຈຳນວນ 120 ຄົນ ກວມເອົາ 30.1%, ສາເຫດທີ່ເລືອກໃຊ້ ແອັບພິເຄຊັ່ນ Mobile Banking 179 ຄົນ ເລືືອກໃຊ້ແມ່ນສາມາດທໍາລະກໍາໄດ້ 24 ຊົ່ວໂມງ ກວມເອົາ 44.9%. ຜົນການຄົ້ນຄວ້າດ້ານສົມມຸດຖານ ດ້ານເພດຕໍ່ກັບດ້ານຄຸນນະພາບຂອງຂໍ້ມູນ, ດ້ານຄຸນນະພາບຂອງລະບົບ, ດ້ານການຮັບຮູ້ຄວາມສ່ຽງ, ດ້ານການຮັບຮູ້ປະໂຫຍດ, ດ້ານການຍອມຮັບ ສະແດງໃຫ້ເຫັນວ່າ ມີຄວາມແຕກຕ່າງກັນ. ແຕ່ດ້ານຄຸນນະພາບການບໍລິການສະແດງໃຫ້ເຫັນວ່າແມ່ນບໍ່ແຕກຕ່າງກັນ. ດ້ານອາຍຸຕໍ່ກັບດ້ານຄຸນນະພາບຂອງຂໍ້ມູນ, ດ້ານຄຸນນະພາບຂອງລະບົບ, ດ້ານຄຸນນະພາບການບໍລິການ, ດ້ານການຮັບຮູ້ຄວາມສ່ຽງສະແດງໃຫ້ເຫັນວ່າ ມີຄວາມແຕກຕ່າງກັນ. ແຕ່ດ້ານການຮັບຮູ້ປະໂຫຍດ ແລະ ດ້ານການຍອມຮັບ ສະແດງໃຫ້ເຫັນວ່າ ແມ່ນບໍ່ແຕກຕ່າງກັນ. ດ້ານລະດັບການສຶກສາຕໍ່ກັບດ້ານຄຸນນະພາບຂອງຂໍ້ມູນ, ດ້ານຄຸນນະພາບຂອງລະບົບ, ດ້ານຄຸນນະພາບການບໍລິການ ສະແດງໃຫ້ເຫັນວ່າ ມີຄວາມແຕກຕ່າງກັນ. ແຕ່ດ້ານການຮັບຮູ້ຄວາມສ່ຽງ ,ດ້ານການຮັບຮູ້ປະໂຫຍດ ແລະ ດ້ານການຍອມຮັບ ສະແດງໃຫ້ເຫັນວ່າ ແມ່ນບໍ່ແຕກຕ່າງກັນ. ດ້ານອາຊີບຕໍ່ກັບດ້ານຄຸນນະພາບຂອງຂໍ້ມູນ, ດ້ານຄຸນນະພາບຂອງລະບົບ, ດ້ານຄຸນນະພາບການບໍລິການ, ດ້ານການຮັບຮູ້ຄວາມສ່ຽງສະແດງໃຫ້ເຫັນວ່າ ມີຄວາມແຕກຕ່າງກັນ. ແຕ່ດ້ານການຮັບຮູ້ປະໂຫຍດ ແລະ ດ້ານການຍອມຮັບ ສະແດງໃຫ້ເຫັນວ່າ ແມ່ນບໍ່ແຕກຕ່າງກັນ. ດ້ານລາຍຮັບຕໍ່ກັບດ້ານຄຸນນະພາບຂອງລະບົບ, ດ້ານຄຸນນະພາບການບໍລິການ ແລະ ດ້ານການຍອມຮັບ ສະແດງໃຫ້ເຫັນວ່າ ມີຄວາມແຕກຕ່າງກັນ. ແຕ່ດ້ານຄຸນນະພາບຂອງຂໍ້ມູນ, ດ້ານການຮັບຮູ້ຄວາມສ່ຽງ ແລະ ດ້ານການຮັບຮູ້ປະໂຫຍດ ສະແດງໃຫ້ເຫັນວ່າບໍ່ແຕກຕ່າງກັນ.

ຄຳສັບຫຼັກ: ເຕັກໂນໂລຊີທາງດ້ານການເງິນ, ການບໍລິການໂທລະສັບມືຖືຜ່ານລະບົບທະນາຄານ

ປັດໄຈທີ່ສົ່ງຜົນຕໍ່ການເລືອກໃຊ້ທະນາຄານຂອງລູກຄ້າທົ່ວໄປໃນນະຄອນຫຼວງວຽງຈັນ

2023-01-05T06:40:43+00:00

ບົດຄັດຫຍໍ້

ການວິເຄາະປັດໄຈທີ່ສົ່ງຜົນຕໍ່ການເລືອກໃຊ້ທະນາຄານຂອງລູກຄ້າທົ່ວໄປໃນນະຄອນຫຼວງວຽງຈັນ ມີຈຸດປະສົງເພື່ອຮູ້ເຖິງລະດັບປັດໄຈທີ່ສຳຄັນ ແລະ ບໍ່ສຳຄັນທີ່ສົ່ງຜົນຕໍ່ການເລືອກໃຊ້ທະນາຄານ ແລະ ປັດໄຈສ່ວນບຸກຄົນຕໍ່ການເລືອກໃຊ້ທະນາຄານ ໂດຍນຳໃຊ້ແບບສອບຖາມເປັນເຄື່ອງມືໃນການເກັບກຳຂໍ້ມູນນຳກຸ່ມລູກຄ້າທົ່ວຂອງທະນາຄານທຸລະກິດໃນນະຄອນຫຼວງວຽງຈັນຈຳນວນ 470 ຄົນ, ເຊິ່ງກວມເອົາທັງໝົດ 6 ກຸ່ມທະນາຄານ ແລະ ໃຊ້ມາດຕາວັດແບບ Likert Scale ພ້ອມກັບນຳເອົາຂໍ້ມູນດັ່ງກ່າວມາເຄາະອົງປະກອບ (Factor Analysis) ເພື່ອຄັດຈ້ອນກຸ່ມປັດໄຈທີ່ສົ່ງຜົນຕໍ່ກັນ ແລ້ວຈຶ່ງນຳໄປວິເຄາະສົມຜົນຖົດຖອຍພະຫຸພົດ (Multiple Linear Regression) ຜົນການສຶກສາພົບວ່າເພດຍິງກວມເອົາ 54.89%, ມີສະຖານະພາບເປັນໂສດ 66.17%, ອາຍຸລະຫວ່າງ 21-30 ປີ ໂດຍສະເລ່ຍ 66.60%, ລະດັບການສຶກສາປະລິນຍາຕີກວມເອົາ 67.23%, ສ່ວນໃຫຍ່ມີອາຊີບເປັນພະນັກງານເອກະຊົນກວມເອົາ 44.89%, ໃນນັ້ນຄົນທີ່ມີລາຍໄດ້ລະຫວ່າງ 1,500,000-3,000,000 ແມ່ນມີ 33.83% ແລະ ສ່ວນຫຼາຍແມ່ນນຳໃຊ້ທະນາຄານທຸລະກິດລັດກວມເອົາ 44.16 ສ່ວນຮ້ອຍ ແລະ ຈຳນວນ 7 ປັດໄຈຄື: ຄວາມເຊື່ອໝັ້ນ ແລະ ການບໍລິການ ATM, ຜູ້ຄົນທີ່ມີອິດທິພົນ, ທີ່ຕັ້ງຂອງສາຂາ, ການໃຫ້ບໍລິການ, ຜົນປະໂຫຍດທາງການເງິນ, ຄວາມດຶງດູດ ແລະ ຄວາມຮູ້ສຶກທີ່ປອດໄພ ແລະ ຄວາມເຊື່ອໝັ້ນ ຕາມລຳດັບ

ຄຳສຳຄັນ: ການຕັດສິນໃຈເລືອກ, ການວິເຄາະປັດໄຈ, ລູກຄ້າທົ່ວໄປ

Developing International Cooperation Mechanism through Regulation and Infrastructure for Border Special Economic Zone.

2023-01-05T06:46:08+00:00

Abstract

Bordered SEZs are a relatively recent phenomenon, and it is still early to draw any definitive conclusions. Political support from all governments involved is key to their success, as is close coordination at both state and local levels. Such zones challenge zone developers and management companies to find innovative ways to work with governments on both sides of the border. This study focuses on developing mechanisms of international cooperation guideline in the dimension of regulation and basic infrastructure for Cross-border SEZs development. Combined quantitative and qualitative data were employed and both secondary and primary data are analyzed in details. In addition to desk studies on the policy and institutional set up for SEZs. This study will select a case study between Thailand and Laos and Thailand and Myanmar. Between Thailand and Laos will study between Chiang Rai SEZ and the Golden Triangle SEZ and between Thailand and Myanmar will study Tak SEZ and Myawaddy Industrial Zone as a case study by applying Soft Systematic Methodology such CATWOE analysis. The finding in this study shows that feasible mechanism fostering international cooperation among border SEZs is to embed the promoting policy in regional level and each country development plan in order to use these institutions to support the border SEZs cooperation activities.

Keywords: Special Economic Zone, International Cooperation Mechanism, SEZ’s Regulations and Infrastructures

ສຶກສາປັດໄຈທີ່ມີຜົນຕໍ່ຄວາມສາມາດດ້ານວິຊາການຂອງບຸກຄະລາກອນໃນມະຫາວິທະຍາໄລ ແຫ່ງຊາດ

2023-04-10T17:07:57+00:00

ບົດຄັດຫຍໍ້