ສຶກສາປັດໄຈທີ່ມີຜົນຕໍ່ພຶດຕິກໍາການຮັກສາສຸຂະພາບຂອງຜູ້ສູງອາຍຸໃນນະຄອນຫຼວງວຽງຈັນ

A Study of Factors Affecting the Health Care Behavior of the Elderly population in Viantiane Capital

Abstract

ບົດຄັດຫຍໍ້

ການດຳລົງໃນຊີວິດປະຈຳວັນຄົນເຮົາບໍ່ວ່າທຸກເພດທຸກໄວໃດກໍ່ຕາມ ທຸກຄົນແມ່ນໃຫ້ຄວາມສຳຄັນ ແລະ ໃສ່ໃຈກັບສຸຂະພາບ ເປັນຕົ້ນແມ່ນການພັກຜ່ອນ, ການບໍລິໂພກ ແລະ ການອອກກໍາລັງກາຍ ເພື່ອເສີມສ້າງສຸຂະພາບໃຫ້ແຂງແຮງຕາມໄວ ໂດຍສະເພາະແມ່ນຜູ່ສູງອາຍຸ ເປັນສິ່ງທີ່ທຸກຄົນຕ້ອງການ ພາຍຫລັງເຂົ້າສູ່ໄວຜູ່ສູງອາຍຸທຸກເພດ ເພື່ອຫຼຸດຜ່ອນຄ່າໃຊ້ຈ່າຍຮັກສາສຸຂະພາບ ​ແລະ ທັງເປັນການສະໜັບສະໜູນ​ສະຫວັດ​ດີກາ​ນທາງ​ສັງຄົມ​ມີ​ຄວາມ​ໝັ້ນຄົງ. ຈາກເຫັນຄວາມສຳຄັນດັ່ງກ່າວ ຈິ່ງໄດ້ສຶກສາສຶກສາປັດໄຈທີ່ມີຜົນຕໍ່ພຶດຕິກໍາການຮັກສາສຸຂະພາບຂອງຜູ້ສູງອາຍຸໃນນະຄອນຫລວງວຽງຈັນ ໂດຍກຳນົດຈຸດປະສົງຄື ສຶກສາພຶດຕິກໍາການເສີມສ້າງສຸຂະພາບຂອງປະຊາກອນຜູ້ສູງອາຍຸ ແລະ ປັດໄຈທີ່ມີຜົນຕໍ່ພຶດຕິກໍາການຮັກສາສຸຂະພາບຂອງຜູ້ສູງອາຍຸໃນສະມາຄົມຜູ້ສູງອາຍຸໃນນະຄອນຫລວງວຽງຈັນ. ໂດຍໃຊ້ວິທີການ​ວິ​ເຄາະ​ແບບຈໍາລອງ Ordered Logistic  ເຂົ້າໃນການວິເຄາະປັດໄຈທີ່ມີຜົນຕໍ່ພຶດຕິກໍາການຮັກສາສຸຂະພາບຂອງຜູ້ສູງອາຍຸ.

ຈາກຜົນການສຶກສາກ່ຽວກັບຂໍ້ມູນສ່ວນຕົວຂອງຜູ້ຕອບແບບສອບຖາມຈໍານວນ 288 ຄົນ. ຜົນຂອງການສຶກສາສະແດງໃຫ້ເຫັນວ່າປັດໄຈສ່ວນບຸກຄົນຊີ້ໃຫ້ເຫັນວ່າເພດຍິງມີພຶດຕິກໍາການຮັກສາສຸຂະພາບດີກວ່າເພດຊາຍ ພ້ອມນັ້ນລາຍໄດ້ຂອງຜູ່ສູງອາຍຸ ແມ່ນມີໂອກາດຜົນຕໍ່ພຶດຕິກໍາການຮັກສາສຸຂະພາບຂອງຜູ້ສູງອາຍຸ ໃນຂະນະທີ່ກຸ່ມຕົວຢ່າງໄດ້ເຂົ້າຮ່ວມສາມະຄົມຜຸ່ສູງອາຍຸ ທີ່ມີລະດັບຄະແນນຮັບຮູ້ກຽ່ວກັບການຮັກສາສຸຂະພາບຕົນເອງທີ່ສູງ ມີໂອກາດທີ່ມີຜົນຕໍ່ພຶດຕິກຳການຮັກສາສຸຂະພາບຂອງຜູ່ສູງອາຍຸໃນນະຄອນຫລວງວຽງຈັນແມ່ນເຫັນວ່າຢູ່ໃນລະດັບດີ ແລະ ເພີ່ມຂຶ້ນ ເມື່ອທຽບກັບຜຸ່ສູງອາຍຸທີ່ມີລະດັບຄະແນນຮັບຮູ້ການຮັກສາສຸຂະພາບຕົນເອງໃນລະດັບກາງ ແລະ ລະດັບຕໍ່າ.

ຄຳສັບສຳຄັນ: ການຮັກສາສຸຂະພາບ

                ສຸຂະພາບຜູ່ສູງອາຍຸ

                ແບບຈໍາລອງລຽງລໍາດັບ