ສຶກສາພຶດຕິກຳ ແລະ ປັດໄຈທີ່ມີຜົນຕໍ່ການເລືອກໃຊ້ບໍລິການ ສູນຄວາມງາມ Vega Spa & Clinic
Study the behavior and factors that affect the choice to use Vega Spa & Clinic
ນາງ ຈວຽນ ແກ້ວກທິເລື່ອງ
ນາງ ຮ່າ ໂງທູ

ບົດຄັດຫຍໍ້
ການສຶກສາ “ ສຶກສາພຶດຕິກຳ ແລະ ປັດໄຈທີ່ມີຜົນຕໍ່ການເລືອກໃຊ້ບໍລິການສູນຄວາມງາມ Vega Spa & Clinic " ມີຈຸດປະສົງເພື່ອສຶກສາພຶດຕິກຳ ແລະ ປັດໄຈທີ່ມີຜົນຕໍ່ການເລືອກໃຊ້ ບໍລິການສູນຄວາມງາມ Vega Sapa & Clinic ໂດຍຈໍາແນກຕາມ ເພດ, ອາຍຸ, ລະດັບການສຶກສາ, ອາຊີບ, ລາຍໄດ້ສະເລ່ຍຕໍ່ເດືອນ ແລະ ສະຖານະພາບ, ເປັນການສຶກສາແບບປະລິມານ, ກຸ່ມ ຕົວຢ່າງຈໍານວນ 384 ຄົນ ຈາກຜູ້ທີ່ມາໃຊ້ບໍລິການສູນຄວາມງາມ Vega Spa & Clinic, ວິທີການ ວິເຄາະສະຖິຕິທີ່ໃຊ້ໃນການວິເຄາະຂໍ້ມູນ ໄດ້ແກ່: ຄ່າຄວາມຖີ່, ຄ່າສ່ວນຮ້ອຍ, ຄ່າສະເລ່ຍ, ຄ່າຜັນ ປ່ຽນມາດຕະຖານ.
ຜົນການສຶກສາດ້ານປັດໄຈສ່ວນບຸກຄົນ ພົບວ່າ ຜູ້ຕອບແບບສອບຖາມ ສ່ວນໃຫ່ຍແມ່ນ ເພດຍິງ, ມີອາຍຸລະຫວ່າງ 21-25 ປີ, ປະລິນຍາຕີ, ນັກສຶກສາ, ລາຍຮັບສະເລ່ຍ ຕໍ່ເດືອນ ຕໍ່າກວ່າ 3.000.000 ກີບ, ສະຖານະພາບໂສດ.
ຜົນການສຶກສາດ້ານພຶດຕິກຳຜູ້ບໍລິໂພກ ພົບວ່າ ຜູ້ຕອບແບບສອບຖາມສ່ວນໃຫຍ່ແມ່ນ ຮູ້ຈັກສູນຄວາມງາມ Vega Sapa & Clinic ແມ່ນຮູ້ຈາກຫມູ່ເພື່ອນ, ມັກໄປກັບໝູ່ເພື່ອນ, ເລືອກຈ່າຍ ໃນການໃຊ້ບໍລິການແບບເປັນຄອສ, ນິຍົມໄປໃຊ້ບໍລິການຊ່ວງວັນຈັນ-ວັນສຸກ, ຊ່ວງເວລາທີ່ລູກຄ້າ ນິຍົມໄປເວລາ 15:01 - 18:00 ໂມງ, ຄວາມຖີ່ຂອງລູກຄ້າທີ່ເຂົ້າໄປໃຊ້ບໍລິການ ໜ້ອຍກວ່າ 3 ຄັ້ງ ຕໍ່ອາທິດ, ສ່ວນຫຼາຍໃຊ້ບໍລິການກຳຈັດຂົນຖາວອນ, ເຫດຜົນຂອງລູກຄ້າທີ່ມາໃຊ້ບໍລິການສູນຄວາມ ງາມແມ່ນເພື່ອຄວາມສວຍງາມ ແລະ ໝັ້ນໃຈ
ຜົນການສຶກສາດ້ານປັດໄຈສ່ວນປະສົມທາງການຕະຫຼາດຂອງຜູ້ຕອບແບບສອບຖາມ 7 ດ້ານພົບວ່າ: ໂດຍລວມຢູ່ໃນລະດັບຫຼາຍດ້ວຍ ຄ່າສະເລ່ຍ 3.95. ລູກຄ້າ ໃນກຸ່ມຕົວຢ່າງທີ່ເຂົ້າມາ ໃຊ້ບໍລິການສູນຄວາມງາມ Vega Sapa & Clinic ແມ່ນໃຫ້ຄວາມສໍາຄັນຕໍ່ ດ້ານຜະລິດຕະພັນ ດວ້ຍຄ່າສະເລ່ຍ 3.94 ລະດັບຄວາມສໍາຄັນຫຼາຍ, ດ້ານລາຄາ ດ້ວຍຄ່າສະເລ່ຍ 4.18 ລະດັບ ຄວາມສໍາຄັນຫຼາຍ, ດ້ານ ຊ່ອງທາງການຈັດຈຳໜ່າຍ ດ້ວຍຄ່າສະເລ່ຍ 4.1 ລະດັບຄວາມສໍາຄັນ ຫຼາຍ, ດ້ານສົ່ງເສີມການຕະຫຼາດ ດ້ວຍຄ່າສະເລ່ຍ 3.68 ລະດັບຄວາມສໍາຄັນຫຼາຍ, ດ້ານບຸກ ຄະລາກອນ ດ້ວຍຄ່າສະເລ່ຍ 4.14 ລະດັບຄວາມສໍາຄັນຫຼາຍ, ດ້ານຂະບວນການໃຫ້ບໍລິການ ດ້ວຍຄ່າສະເລ່ຍ 3.95 ລະດັບຄວາມສໍາຄັນຫຼາຍ, ດ້ານລັກສະນະທາງກາຍະພາບ ດ້ວຍຄ່າ ສະເລ່ຍ 3.67 ລະດັບຄວາມສໍາຄັນຫຼາຍ.

Download