ຄວາມເພິ່ງພໍໃຈຂອງນັກທ່ອງທ່ຽວທີ່ມີຕໍ່ຄຸນນະພາບການໃຫ້ ບໍລິການຂອງໂຮງແຮມລະດັບ 3 ດາວ ໃນເມືອງໄຊທານີ ນະຄອນຫຼວງວຽງຈັນ
Tourists satisfaction with the Service quality of three- star hotels in Xaythany district Vientiane capital
ທ້າວ ຈັນ ສີສະມຸດ
ທ້າວ ບຸນມາ ສີຫາວົງ
ບົດຄັດຫຍໍ້
ການສຶກສາຫົວຂໍ້ ຄວາມເພິ່ງພໍໃຈຂອງນັກທ່ອງທ່ຽວທີ່ມີຕໍ່ຄຸນນະພາບການໃຫ້ບໍລິການຂອງ ໂຮງແຮມລະດັບ 3 ດາວ ໃນເມືອງໄຊທານີ ນະຄອນຫຼວງວຽງຈັນໂດຍມີຈຸປະສົງ ຄື: ພຶດຕິກຳ ຂອງນັກທ່ອງທ່ຽວທີ່ໃຊ້ບໍລິການໂຮງແຮມ 3 ດາວ ໃນເມືອງ ໄຊທານີ ນະຄອນຫຼວງວຽງຈັນ ແລະ ສຶກສາລະດັບຄວາມເພິ່ງພໍໃຈຂອງນັກທ່ອງທ່ຽວທີ່ມາໃຊ້ບໍລິການໂຮງແຮມ 3 ດາວ ໃນ ເມືອງ ໄຊທານີ ນະຄອນຫຼວງວຽງຈັນທີ່ມາໃຊ້ ບໍລິການຂອງໂຮງແຮມ 3 ດາວ ໃນເມືອງໄຊທານີ ນະຄອນຫຼວງວຽງ. ການເກັບກຳຂໍ້ມູນໃນຄັ້ງນີ້ແມ່ນຈະໃຊ້ວິທີການສໍາຫຼວດໂດຍນໍາໃຊ້ແບບສອບ ຖາມໃຫ້ແກ່ລູກຄ້າ ເຊິ່ງໄດ້ກຳນົດເອົາກຸ່ມຕົວຢ່າງຈໍາ ນວນ 385 ຄົນ ຂອງກຸ່ມຕົວຢ່າງ, ຮູບແບບ ການສຶກສາຄົ້ນຄວ້າເປັນແບບປະລິມານ, ສະຖິຕິທີ່ໃຊ້ ແມ່ນຄ່າຄວາມຖີ່, ຄ່າສ່ວນຮ້ອຍ, ຄ່າສະເລ່ຍ ແລະ ຄ່າຜັນປ່ຽນມາດຕະຖານ.
ຜ່ານການສຶກສາ ແລະ ວິເຄາະຂໍ້ມູນກຸ່ມຕົວຢ່າງ ທັງໝົດ 385 ຄົນ ເຫັນວ່າ ສ່ວນຫຼາຍ ແມ່ນເພດ ຊາຍ, ອາຍຸລະຫວ່າງ 26-30 ປີ, ສະຖານະພາບໂສດ, ອາຊີບປັດຈຸບັນພະນັກງານ ເອກະຊົນ, ມີລະດັບການສຶກສາ ປະລິຍາຕີ, ມີລາຍໄດ້ສະເລ່ຍຕໍ່ເດືອນ 7,500,000 ຂຶ້ນໄປ ກີບ. ຜົນຂອງສຶກສາພຶດຕິກຳຂອງນັກທ່ອງທ່ຽວທີ່ມາໃຊ້ບໍລິການ ສ່ວນຫຼາຍມີຈຸດປະສົງຕ້ອງການຜັກ ຜ່ອນ/ປ່ຽນບັນຍາກາດ, ພາຫະນະທີ່ໃຊ້ໃນການເດີນທາງຂີ່ລົດສ່ວນຕົວ, ຜູ້ຮ່ວມເດີນທາງແມ່ນ ໝູ່ ເພື່ອນ, ຄ່າໃຊ້ຈ່າຍທີ່ໃຊ້ໃນໂຮງແຮມແຕ່ລະຄັ້ງ 300,000 - 500,000 ກີບ, ໄລຍະເວລາທີ່ເຂົ້າໃຊ້ ບໍລິການໂຮງແຮມ ແມ່ນ 1 ຄືນ, ການຈອງໂຮງແຮມທາງໄດ້ຈາກການໂທຈອງ, ເຫດຜົນໃນການ ເລືອກໃຊ້ໂຮງແຮມແຫ່ງນີ້ເພື່ອບັນຍາກາດຂອງໂຮງແຮມ. ຜົນການສຶກສາປັດໄຈທີ່ມີອິດທິພົນຕໍ່ ຄວາມເພິ່ງພໍໃຈຂອງຜູ້ໃຊ້ບໍລິການທີ່ມີຕໍ່ຄຸນນະພາບການໃຫ້ບໍລິການຂອງໂຮງແຮມລະດັບ 3 ດາວ ໃນເມືອງ ໄຊທານີ ນະຄອນຫຼວງວຽງຈັນ ຢູ່ໃນລະດັບຫຼາຍທີ່ສຸດຄືຜ່ານການສຶກສາຄວາມເພິ່ງ ພໍໃຈຂອງນັກທ່ອງທ່ຽວທີ່ມີຕໍ່ຄຸນນະພາບການໃຫ້ບໍລິການ ລະດັບຄວາມເພິ່ງພໍໃຈຫຼາຍທີ່ສຸດ (X=4.22) ເມື່ອພິຈານາຕາມດ້ານແລ້ວຕາມລໍາດັບ ເຫັນວ່າ ດ້ານຮູບປະທຳ ຢູ່ໃນລະດັບຫຼາຍທີ່ ສຸດ (X= 4.55) ຮອງລົງມາແມ່ນການສ້າງຄວາມໝັ້ນໃຈໃນການບໍລິການ ຢູ່ໃນລະດັບຫຼາຍທີ່ສຸດ (X=4.51) ຮອງລົງມາແມ່ນ ດ້ານການຕອບສະໜອງຄວາມຕ້ອງການຂອງລູກຄ້າ ຢູ່ໃນລະດັບ ຫຼາຍທີ່ສຸດ (X=4.50) ຮອງລົງມາແມ່ນ ຄວາມໜ້າເຊື່ອຖືໄວ້ວາງໃຈໃນການບລິການ ຢູ່ໃນລະດັບ ຫຼາຍທີ່ສຸດ (X=4.46) ຮອງລົງມາແມ່ນ ການເຂົ້າເຖິງຈິດໃຈຂອງລູກຄ້າ ຢູ່ໃນລະດັບຫຼາຍທີ່ສຸດ (X=4.31).
Download