ສຶກສາພຶດຕິກຳການໃຊ້ບໍລິການຮ້ານກາເຟໃນຮູບແບບ Café Hopping ແລະ ປັດໄຈທີ່ສົ່ງຜົນຕໍ່ການກັບມາໃຊ້ບໍລິການຊໍ້າທີ່ຮ້ານກາເຟຂອງຜູ້ ບໍລິໂພກໃນນະຄອນຫຼວງວຽງຈັນ
Study of café hopping behavior and factors affecting consumers return to use the service at cafés in Vientiane
Capital
ນາງ ອາລຸນນີ ທະນີວົງ
ນາງ ພອຍໄພລິນ ໂນຕະວັນ

ບົດຄັດຫຍໍ້
ໃນການສຶກສາຄັ້ງນີ້ມີຈຸດປະສົງ (1) ເພື່ອສຶກສາພຶດຕິກຳການໃຊ້ບໍລິການຮ້ານກາເຟໃນ ຮູບແບບ Café Hopping ຂອງຜູ້ບໍລິໂພກໃນນະຄອນຫຼວງວຽງຈັນ (2) ເພື່ອສຶກສາປັດໄຈທີ່ສົ່ງຜົນ ຕໍ່ການກັບມາໃຊ້ບໍລິການຊໍ້າທີ່ຮ້ານກາເຟຂອງຜູ້ບໍລິໂພກໃນນະຄອນຫຼວງວຽງຈັນ (3) ເພື່ອ ປຽບທຽບລະດັບຄວາມສໍາຄັນຂອງປັດໄຈທີ່ສົ່ງຜົນຕໍ່ການກັບມາໃຊ້ບໍລິການຊໍ້າທີ່ຮ້ານກາເຟ ຂອງຜູ້ ບໍລິໂພກໃນນະຄອນຫຼວງວຽງຈັນ ເຊິ່ງສຶກສາຈາກກຸ່ມຕົວຢ່າງຜູ້ບໍລິໂພກໃນຂອບເຂດ ນະຄອນຫຼວງວຽງຈັນ ໂດຍໃຊ້ແບບສອບຖາມ 385 ຊຸດ, ວິເຄາະຂໍ້ມູນຄົ້ນຄວ້າແບບປະລິມານ ທີ່ ບໍ່ຮູ້ຈໍານວນປະຊາກອນທີ່ແນ່ນອນ ໃຊ້ໂປຣແກຣມ SPSS (Statistical Package for Social Science) ເປັນເຄື່ອງມືໃນການວິເຄາະຂໍ້ມູນ ໂດຍຊອກຫາຈໍານວນ, ຄວາມຖີ່ (Frequency), ສ່ວນ ຮ້ອຍ (Percent), ຄ່າສະເລ່ຍ (Mean) ແລະ ຄ່າຜັນປ່ຽນມາດຕະຖານ T-test, F-test (One-way ANOVA), LSD ຜົນການສຶກສາພົບວ່າ:
ຜູ້ຕອບແບບສອບຖາມສ່ວນຫຼາຍແມ່ນເພດຍິງ, ອາຍຸລະຫວ່າງ 21-30 ປີ, ສ່ວນໃຫຍ່ມີ ອາຊີບນັກຮຽນ/ນັກສຶກສາ, ສະຖານະພາບໂສດ, ລາຍໄດ້ສະເລ່ຍຕໍ່ເດືອນ 2,000,001 - 5,000,000 ກີບ. ສ່ວນຫຼາຍແມ່ນຮູ້ຈັກຮ້ານກາເຟມາຈາກການແນະນໍາທາງສື່ສັງຄົມອອນລາຍ, ມັກເລືອກຊື້ ເຄື່ອງດື່ມປະເພດກາເຟ, ມີຄ່າໃຊ້ຈ່າຍ 31,000 – 75,000 ກີບຕໍ່ຄັ້ງ, ມັກໃຊ້ບໍລິການຮ້ານກາເຟ ຊ່ວງວັນເສົາ-ວັນອາທິດ, ຊ່ວງເວລາໃນການໃຊ້ບໍລິການ 13:00 - 17:59 ໂມງ, ເລືອກໃຊ້ບໍລິການ ຮ້ານກາເຟ 1-3 ຄັ້ງ/ເດືອນ, ມີການຖ່າຍພາບ ແລະ ຖ່າຍຄິບວິດີໂອເພື່ອອັບໂຫຼດ 1-3 ຄັ້ງ/ເດືອນ . ໃຊ້ບໍລິການຢູ່ຮ້ານກາເຟ 1-2 ຊົ່ວໂມງ, ຊ່ອງທາງໃນການອັບໂຫຼດຮູບ ຫຼື ວີດິໂອທີ່ຖ່າຍພາຍໃນ ຮ້ານກາເຟແມ່ນ Facebook, ມັກນໍາສະເໜີເປັນຮູບພາບ.
ຜົນການທົດສອບປັດໄຈທີ່ມີຜົນຕໍ່ການກັບມາໃຊ້ບໍລິການຊຳຊໍ້າທີ່ຮ້ານກາເຟຂອງຜູ້ບໍລິໂພກ ໃນເຂດນະຄອນຫຼວງວຽງຈັນພົບວ່າ: ມີລະດັບຄວາມຄິດເຫັນຢູ່ໃນລະດັບຫຼາຍ ດ້ານລັກສະນະ ທາງກາຍະພາບ (X=4.09), ດ້ານບຸກຄະລາກອນ (X=3.99), ດ້ານລາຄາ (X=3.93), ດ້ານ ຂະບວນການໃຫ້ບໍລິການ (X=3.91), ດ້ານຜະລິດຕະພັນ (X=3.89), ດ້ານຊ່ອງທາງການຈັດຈໍາ ໜ່າຍ (X=3.84), ດ້ານການສົ່ງເສີມການຕະຫຼາດ (X=3.68).
ຜົນການປຽບທຽບປັດໄຈສ່ວນບຸກຄົນເຫັນວ່າ ຜູ້ບໍລິໂພກທີ່ມີເພດຕ່າງກັນໃຫ້ຄວາມສໍາຄັນ ບໍ່ແຕກຕ່າງກັນ, ຜູ້ບໍລິໂພກທີ່ມີອາຍຸຕ່າງກັນໃຫ້ຄວາມສໍາຄັນແຕກຕ່າງກັນ, ຜູ້ບໍລິໂພກທີ່ມີອາຊີບ ຕ່າງກັນໃຫ້ຄວາມສໍາຄັນແຕກຕ່າງກັນ, ຜູ້ບໍລິໂພກທີ່ມີສະຖານະພາບຕ່າງກັນໃຫ້ຄວາມສໍາຄັນບໍ່ ແຕກຕ່າງກັນ, ຜູ້ບໍລິໂພກທີ່ມີລາຍຮັບຕ່າງກັນໃຫ້ຄວາມສໍາຄັນບໍ່ແຕກຕ່າງກັນ.

Download