ຄວາມສໍາຄັນຂອງປັດໄຈທີ່ມີອິດທິພົນຕໍ່ ການຕັດສິນໃຈ ຂອງຜູ້ປົກຄອງໃນການສົ່ງ ລູກຫຼານເຂົ້າຮຽນທີ່ໂຮງຮຽນ ລ້ຽງເດັກ-ອະນຸບານ-ປະຖົມ ຍຸກໃຫມ່ ບ້ານນາສ້ຽວ ເມືອງນາຊາຍທອງ ນະຄອນຫຼວງວຽງຈັນ
The importance of influencing factors on parents' decision to send their children to Yookmai Preschool-Kindergarten-Primary school, Nasiew Village, Naxaythong District, Vientiane Capital
ນາງ ສາຍຝົນ ຢ່າງຈະກິ ນາງ ວິໄລລັກ ຮຸ່ງອາລຸນ

ບົດຄັດຫຍໍ້
ໃນການສຶກສາຄັ້ງນີ້ມີຈຸດປະສົງ (1) ເພື່ອສຶກສາຄວາມສໍາຄັນປັດໄຈທີ່ມີອິດທິພົນຕໍ່ການ ຕັດສິນໃຈຂອງຜູ້ປົກຄອງໃນການສົ່ງລູກຫຼານເຂົ້າຮຽນທີ່ໂຮງຮຽນ ລ້ຽງເດັກ-ອະນຸບານ-ປະຖົມ ຍຸກໃໝ່ (2) ເພື່ອປຽບທຽບລະດັບຄວາມສໍາຄັນຂອງປັດໄຈທີ່ສົ່ງຜົນຕໍ່ການຕັດສິນໃຈໃນການສົ່ງ ລູກຫຼານເຂົ້າຮຽນທີ່ໂຮງຮຽນ ລ້ຽງເດັກ-ອະນຸບານ-ປະຖົມ ຍຸກໃໝ່ ເຊິ່ງສຶກສາຈາກກຸ່ມຕົວຢ່າງຜູ້ ປົກຄອງທີ່ພາລູກຫຼານເຂົ້າຮຽນທີ່ໂຮງຮຽນລ້ຽງເດັກ-ອະນຸບານ-ປະຖົມ ຍຸກໃໝ່ ໂດຍໃຊ້ແບບສອບ ຖາມ 124 ຊຸດ, ການວິເຄາະຂໍ້ມູນຄັ້ງນີ້ ໃຊ້ການຄົ້ນຄວ້າແບບ ປະລິມານ ທີ່ຮູ້ຈໍານວນ ປະຊາກອນທີ່ແນ່ນອນ ໂດຍໃຊ້ໂປຣແກຣມ SPSS version 25 (Statistical Package for Social Science) ເປັນເຄື່ອງມືວິເຄາະຂໍ້ມູນໂດຍຊອກຫາ ຄ່າຄວາມຖີ່ (Frequency), ຄ່າສ່ວນຮ້ອຍ (Percent), ຄ່າສະເລ່ຍ (Mean), ແລະ ຄ່າຜັນປ່ຽນມາດຕະຖານ (Std. deviation), F-test (One-way ANOVA)
ຜ່ານການສຶກສາຄັ້ງນີ້ພົບວ່າ ຜູ້ຕອບແບບສອບຖາມສ່ວນຫລາຍ ເປັນເພດ ຍິງ ຈໍານວນ 63 ກວມເອົາອັດຕາສ່ວນ 50.8% ແລະ ເພດຊາຍມີຈໍານວນ 61 ກວມເອົາອັດຕາສ່ວນ 49.2% ຄົນ ຢູ່ໃນຊ່ວງອາຍຸລະຫວ່າງ 25-35 ປີ ໂດຍມີຈໍານວນ 65 ຄົນ ກວມເອົາອັດຕາສ່ວນ 52.4%, ຜູ້ ຕອບແບບສອບຖາມສ່ວນຫຼາຍແມ່ນມີລະດັບການສຶກສາຂັ້ນປະລິນຍາຕີຫຼາຍທີ່ສຸດ 68 ຄົນ ກວມ ເອົາອັດຕາສ່ວນ 54.8%, ອາຊີບສ່ວນຫຼາຍແມ່ນອາຊີບ ພະນັກງານ ເອກະຊົນ ຈໍານວນ 50 ຄົນ ກວມເອົາອັດຕາສ່ວນ 40.3%, ມີລາຍຮັບສະເລ່ຍຢູ່ລະຫວ່າງ 5,000,001 ຂຶ້ນໄປ ມີຈໍານວນ 52 ຄົນ ກວມເອົາອັດຕາສ່ວນ 41.9%, ລະດັບຊັ້ນຮຽນຂອງບຸດທີ່ຜູ້ປົກຄອງສົ່ງເຂົ້າຮຽນ ແມ່ນຊັ້ນ ອະນຸບານ ຈໍານວນ 53 ຄົນ ກວມເອົາ 42.7%, ຊ່ອງທາງທີ່ເຮັດໃຫ້ຮູ້ຈັກໂຮງຮຽນຫລາຍທີ່ສຸດ ແມ່ນ ຜ່ານການແນະນໍາຂອງພີ່ນ້ອງ/ຄົນຮູ້ຈັກ ຈໍານວນ 94 ຄົນ ກວມເອົາອັດຕາສ່ວນ 59.7%
ຜົນການສຶກສາລະດັບຄວາມສໍາຄັນຂອງປັດໄຈທີມີອິດທິພົນຕໍ່ການຕັດສິນໃຈຂອງຜູ້ປົກຄອງ ມີຄວາມສໍາຄັນຢູ່ໃນລະດັບຫຼາຍ ໂດຍຮຽງລໍາດັບຈາກຫຼາຍໄປໜ້ອຍ: ດ້ານຂະບວນການ (x = 4.23), ດ້ານບຸກຄະລາກອນ (x = 4.22), ດ້ານລາຄາ (x = 4.21), ດ້ານສະຖານທີ່ (x = 4.08), ດ້ານການສົ່ງເສີມທາງການຕະຫຼາດ (X = 4.06), ດ້ານຜະລິດຕະພັນ (X = 4.01), ດ້ານລັກສະນະ ທາງກາຍຍະພາບ (x = 3.95).
ຜົນການປຽບທຽບພົບວ່າ ຜູ້ປົກຄອງທີ່ມີລະດັບການສຶກສາຕ່າງກັນມີລະດັບຄວາມສໍາຄັນ ຂອງປັດໄຈທີມີອິດພົນຕໍ່ການຕັດສິນໃຈທີ່ ຄ້າຍຄືກັນ; ຜູ້ປົກຄອງທີ່ມີລາຍຮັບຕໍ່ເດືອນຕ່າງກັນ ມີ ລະດັບປັດໄຈທີມີອິດພົນຕໍ່ການຕັດສິນໃຈຕ່າງກັນ

Download