ປັດໄຈທີ່ມີຜົນຕໍ່ຄວາມຜູກພັນອົງກອນຂອງພະນັກງານທະນາຄານການ ຄ້າຕ່າງປະເທດລາວມະຫາຊົນ (ສໍານັກງານໃຫຍ່)
Factors Affecting on Employee's Organizational Commitment in BCEL (Head Office)
ນາງ ຫຼ້າອຳພອນ ເເກ້ວມະນີວົງ
ນາງ ນໍ້າເຜິ້ງ ສຸພັນທະວົງ
ບົດຄັດຫຍໍ້
ການສຶກສາ ປັດໄຈທີ່ມີຜົນຕໍ່ຄວາມຜູກພັນອົງກອນຂອງພະນັກງານທະນາຄານການຄ້າ ຕ່າງປະເທດລາວມະຫາຊົນ (ສໍານັກງານໃຫຍ່), ມີຈຸດປະສົງເພື່ອ ປະເມີນປັດໄຈທີ່ມີຜົນຕໍ່ຄວາມຜູກ ພັນອົງກອນຂອງພະນັກງານທະນາຄານການຄ້າຕ່າງປະເທດລາວມະຫາຊົນ (ສໍານັກງານໃຫຍ່), ປະເມີນລະດັບຄວາມຜູກພັນຕໍ່ອົງກອນຂອງພະນັກງານທະນາຄານການຄ້າຕ່າງປະເທດລາວ ມະຫາຊົນ (ສໍານັກງານໃຫຍ່), ກຸ່ມຕົວຢ່າງທີ່ໃຊ້ໃນການຄົ້ນຄວ້າ ແມ່ນພະນັກງານຂອງທະນາຄານ ການຄ້າຕ່າງປະເທດລາວມະຫາຊົນ (ສໍານັກງານໃຫຍ່) ມີຈໍານວນ 263 ຄົນ, ເກັບຮວບຮວມຂໍ້ມູນ ໂດຍເເບບສອບຖາມ ເເລະ ວິເຄາະຂໍ້ມູນໂດຍໃຊ້ໂປຣແກຣມສໍາເລັດຮູບທາງສະຖິຕິຄິດໄລ່ຫາຄ່າ ຄວາມຖີ່, ຄ່າສ່ວນຮ້ອຍ, ຄ່າສະເລ່ຍ, ຄ່າຜັນປ່ຽນມາດຕະຖານ.
ຜົນການຄົ້ນຄວ້າກ່ຽວກັບປັດໄຈສ່ວນບຸກຄົນຂອງຜູ້ຕອບເເບບສອບຖາມ ພົບວ່າ ສ່ວນ ຫຼາຍເເມ່ນ ເພດຍິງຫຼາຍ, ສະຖານະພາບເເຕ່ງງານ, ອາຍຸຢູ່ໃນຊ່ວງລະຫວ່າງ 31 - 35 ປີ, ການສຶກສາ ປະລິນຍາຕີ, ໄລຍະເວລາການເຮັດວຽກ 10 ປີຂື້ນໄປ, ຕຳແໜ່ງເປັນພະນັກງານວິຊາການ ເເລະ ມີລາຍ ໄດ້ສະເລ່ຍຕໍ່ເດືອນ 5,000,000 - 9,000,000 ກີບ.
ລະດັບຄວາມຜູກພັນຕໍ່ອົງກອນຂອງພະນັກງານທະນາຄານການຄ້າຕ່າງປະເທດລາວ ມະຫາຊົນ (ສໍານັກງານໃຫຍ່) ໂດຍລວມຢູ່ໃນລະດັບຫຼາຍ, ພະນັກງານມີຄວາມຜູກພັນຕໍ່ອົງກອນ ດ້ານຄວາມຮູ້ສຶກໃນລະດັບຫຼາຍ, ຮອງລົງມາເເມ່ນດ້ານບັນທັດຖານທາງສັງຄົມ, ໜ້ອຍກ່ອນໝູ່ເເມ່ນ ດ້ານຄວາມຕໍ່ເນື່ອງ. ປັດໄຈທີ່ມີຜົນຕໍ່ຄວາມຜູກພັນອົງກອນຂອງພະນັກງານໂດຍລວມຢູ່ໃນລະດັບ ຫຼາຍ, ພະນັກງານມີປັດໄຈດ້ານລັກສະນະວຽກຈັດໃນລະດັບຫຼາຍ ເເລະ ຮອງລົງມາເເມ່ນປັດໄຈ ດ້ານປະສົບການໃນການເຮັດວຽກ.
Download