ຄວາມຄິດເຫັນຕໍ່ກັບການໄດ້ຮັບການຝຶກອົບຮົບ ແລະ ຜົນການປະຕິບັດ ງານຂອງພະນັກງານໂຮງແຮມ ຄຣາວ ພລາຊ່າ ວຽງຈັນ
The Opinions Towards Receiving Training and Performance of Crowne Plaza Vientiane Hotel's Employees
ນາງ ລະລິນທິບ ເມືອງວົງ
ນາງ ມະໂນລັກ ຄົງສະຫວັນ

ບົດຄັດຫຍໍ້
ໃນການສຶກສາຄັ້ງນີ້ມີຈຸດປະສົງເພື່ອສຶກສາຄວາມຄິດເຫັນຕໍ່ກັບການໄດ້ຮັບການຝຶກອົບຮົບ ແລະ ຜົນການປະຕິບັດງານຂອງພະນັກງານໂຮງແຮມ ຄຣາວ ພລາຊ່າ ວຽງຈັນ ມີຈຸດປະສົງເພື່ອ 1) ຄວາມຄິດເຫັນຂອງພະນັກງານຕໍ່ກັບການພັດທະນາຊັບພະຍາກອນມະນຸດດ້ານການຝຶກອົບຮົບ ຂອງພະນັກງານໂຮງແຮມ ຄຣາວ ພລາຊ່າ ວຽງຈັນ, 2) ຄວາມຄິດເຫັນຕໍ່ກັບຜົນການປະຕິບັດງານ ຂອງພະນັກງານໂຮງແຮມ ຄຣາວ ພລາຊ່າ ວຽງຈັນ. ຊຶ່ງປະຊາກອນທີ່ໃຊ້ໃນການສຶກສາຄັ້ງນີ້ ແມ່ນພະນັກງານໂຮງແຮມ ຄຣາວ ພລາຊ່າ ວຽງຈັນ ນໍາໃຊ້ກຸ່ມຕົວຢ່າງທັງໝົດ 172 ຄົນ ເຊິ່ງຜູ້ ສຶກສາໄດ້ເລືອກການໃຊ້ແນວທາງເຊີງປະລິມານ (Quantitative Research) ໂດຍການສຶກສາສໍາ ຫຼວດດ້ວຍການໃຊ້ແບບສອບຖາມ (Questionnaire) ຜ່ານທາງອອນລາຍ ເປັນເຄື່ອງມືໃນການ ເກັບຮວມຮວມຂໍ້ມູນ ເຄື່ອງມືທີ່ໃຊ້ໃນການວິເຄາະຂໍ້ມູນໃນຄັ້ງນີ້ແມ່ນໃຊ້ໂປຣແກຣມ SPSS ເປັນ ການວິເຄາະສະຖິຕິແບບພັນລະນາ, ຄ່າສະຖິຕິທີ່ໃຊ້ປະກອບດ້ວຍຄວາມຖີ່, ຄ່າສ່ວນຮ້ອຍ ແລະ ຄ່າສະເລ່ຍ, ຄ່າຜັນປ່ຽນມາດຕະຖານເຊິ່ງສາມາດສະຫຼຸບຜົນການຄົ້ນຄວ້າດັ່ງນີ້:
ຜູ້ຕອບແບບສອບຖາມສ່ວນຫຼາຍເປັນເພດຍິງ, ອາຍຸຢູ່ລະຫວ່າງ 21-25 ປີ, ສ່ວນຫຼາຍມີວຸດ ການສຶກສາຕໍ່າກວ່າປະລິນຍາຕີ, ສ່ວນຫຼາຍມີໄລຍະການເຮັດວຽກ 1-2 ປີ ແລະ ສ່ວນຫຼາຍເປັນ ພະນັກງານພະແນກຫ້ອງຄົວ, ສ່ວນຫຼາຍເຄີຍຜ່າຍການຝຶກອົບຮົມ 5-6 ຄັ້ງ, ເວລາທີ່ໃຊ້ໃນການ ຝຶກອົບຮົມສ່ວນຫຼາຍແມ່ນ 4 ວັນ.
ພະນັກງານໂຮງແຮມ ຄຣາວ ພລາຊ່າ ວຽງຈັນ ມີຄວາມຄິດເຫັນຕໍ່ກັບການຝຶກອົບຮົບ ໂດຍລວມຢູ່ໃນລະດັບເຫັນດີຫຼາຍທີ່ສຸດ (X = 4.38), ຮອງລົງມາແມ່ນດ້ານປະລິມານວຽກ ໂດຍລວມຢູ່ໃນລະດັບເຫັນດີຫຼາຍທີ່ສຸດ (X = 4.27), ດ້ານຄຸນນະພາບຂອງວຽກໂດຍລວມຢູ່ໃນ ລະດັບເຫັນດີຫຼາຍທີ່ສຸດ (X = 4.26), ດ້ານທັກສະໂດຍລວມຢູ່ໃນລະດັບຄວາມຄິດເຫັນຫຼາຍທີ່ສຸດ (X = 4.25), ດ້ານເວລາໃນການເຮັດວຽກ ໂດຍລວມຢູ່ໃນລະດັບເຫັນດີຫຼາຍທີ່ສຸດ (X = 4.24) ແລະ ດ້ານການພັດທະນາໂດຍລວມຢູ່ໃນລະດັບຄວາມຄິດເຫັນຫຼາຍທີ່ສຸດ (X = 4.21) ຕາມ ລໍາດັບໂດຍພາບລວມແລ້ວເຫັນວ່າພະນັກງານແມ່ນມີຜົນການປະຕິບັດງານໃນລະດັບດີຫຼາຍທີ່ສຸດ.

Download