ພາສາລາວ |
ຫຼັກສູດປະລິນຍາໂທເສດຖະສາດ ສາຂາເສດຖະສາດເງິນຕາ ແລະ ການເງິນພາກລັດ |
|||
ພາສາອັງກິດ |
Master of Economics Program in Monetary and Public Finance |
|||
ຈຸດປະສົງຂອງຫຼັກສູດ
-
ສ້າງນັກວິຊາການ ແລະ ນັກຄົ້ນຄວ້າໃຫ້ມີແນວຄິດ, ຄຸນສົມບັດ ສິນທຳປະຕິບັດ ແທດເໝາະກັບ ແນວທາງການປ່ຽນແປງໃໝ່ຂອງພັກ ແລະ ລັດຢ່າງຮອບດ້ານໂດຍສະເພາະແມ່ນ:
-
ມີຄວາມຈົງຮັກພັກດີຕໍ່ປະເທດຊາດ, ມີຈິດໃຈຮັກຊາດຕິດພັນກັບການຮັກລະບອບປະຊາທິປະໄຕ ປະຊາຊົນ ຍືດໝັ້ນໃນຈຸດໝາຍສັງຄົມນິຍົມ.
-
ມີສິນທຳ ແລະ ຈາລິຍະທຳປະຈຳໃຈ, ມີຄວາມສຳນຶກອັນເລິກເຊິ່ງຕໍ່ບັນຫາການປົກປັກຮັກສາ ແລະສົ່ງເສີມວັດທະນະທຳອັນດີງາມຂອງຊາດ ແລະ ການຄຸ້ມຄອງຈັດສັນສິ່ງແວດລ້ອມທຳມະຊາດຂອງຊາດຢ່າງມີປະສິດທິພາບ.
-
ເປັນພົນລະເມືອງດີ ນັບຖືລະບຽບກົດໝາຍຂອງບ້ານເມືອງ.
-
ມີຄວາມສາມັກຄີນຳເພື່ອນຮ່ວມງານພາຍໃນອົງການຈັດຕັ້ງທີ່ຕົນສັງກັດ ແລະ ກັບພາຍນອກ.
-
ເພື່ອສ້າງນັກວິຊາການ ແລະ ນັກຄົ້ນຄວ້າໃຫ້ມີຄວາມຮູ້
-
ວິທະຍາສາດກ່ຽວກັບວິຊາເສດຖະສາດ, ການຄຸ້ມຄອງເສດຖະກິດ-ການເງິນ, ຕະຫຼາດການເງິນ ແລະ ສະຖາບັນການເງິນ.
-
ດ້ານການວາງນະໂຍບາຍເປັນຕົ້ນນະໂຍບາຍເງິນຕາແລະນະໂຍບາຍການເງິນເພື່ອໃຫ້ເກີດປະສິດທິ ພາບດ້ານເສດຖະກິດ.
-
ໃນການຄົ້ນຄວ້າວິທະຍາສາດໃນຂະແໜງການເງິນ, ຕະຫຼາດການເງິນ ແລະ ສະຖາບັນການເງິນ.
-
ດ້ານການຄຸ້ມຄອງຕະຫຼາດທຶນເປັນຕົ້ນດ້ານການຄຸ້ມຄອງຕະຫຼາດຫຼັກຊັບເພື່ອໃຫ້ຕະຫຼາດຫຼັກຊັບເປັນຕະຫຼາດທີ່ມີປະສິດທິພາບ. ຮູ້ຈັກຄວາມສ່ຽງ ແລະ ຜົນຕອບແທນທີ່ລົງທຶນໃນຕະຫຼາດຫຼັກຊັບ.
-
ທາງດ້ານຂະແໜງການຄຸ້ມຄອງງົບປະມານຂອງພາກລັດເປັນຕົ້ນທາງດ້ານລາຍຮັບ ແລະ ລາຍຈ່າຍຂັ້ນທ້ອງຖີ່ນ ຫຼື ຂັ້ນສູນກາງ.
-
ເພື່ອສ້າງນັກວິຊາການ ແລະ ນັກຄົ້ນຄວ້າວິທະຍາສາດໃຫ້ມີຄວາມສາມາດ
-
ໃນການຄຸ້ມຄອງຂະແໜງເສດຖະກິດທີ່ພົ້ນເດັ່ນໃນປະເທດເຮົາ ໂດຍສະເພາະແມ່ນຂະແໜງການຄຸ້ມ ຄອງເສດຖະກິດ-ການເງິນ, ຕະຫຼາດການເງິນ ແລະ ສະຖາບັນການເງິນ.
-
ໃນການນຳໃຊ້ທິດສະດີ, ຫຼັກການ ແລະ ເຄື່ອງມືທີ່ໄດ້ຮຽນມາເຂົ້າໃນການວິເຄາະ, ສັງເຄາະ ແລະ ນຳສະເໜີແກ້ໄຂບັນຫາຕົວຈິງໃຫ້ມີປະສິດທິຜົນ ໂດຍສະເພາະຂະແໜງຄຸ້ມຄອງເສດຖະກິດ-ການເງິນ, ຕະຫຼາດການເງິນ ແລະ ສະຖາບັນການເງິນ.
-
ນຳໃຊ້ຄວາມຮູ້ຢ່າງປະດິດສ້າງເຂົ້າໃນການຄຸ້ມຄອງຕະຫຼາດທຶນເປັນຕົ້ນຕະຫຼາດຫຼັກຊັບເພື່ອໃຫ້ຕະ ຫຼາດທຶນເຄື່ອນໄຫວໄດ້ຢ່າງເປັນປົກກະຕິ.
-
ນຳໃຊ້ຄວາມຮູ້ຈາກທິດສະດີ ແລະ ເຄື່ອງມືຕ່າງໆທີ່ໄດ້ຮຽນມາເຂົ້າໃນການຄຸ້ມຄອງງົບປະມານໃນການຈັດເກັບລາຍຮັບຈາກພາສີ-ອາກອນ ແລະ ບໍ່ແມ່ນພາສີ-ອາກອນພ້ອມທັງຄຸ້ມຄອງງົບມານລາຍຈ່າຍໃຫ້ເປັນໄປຕາມຫຼັກການການເງິນທີ່ໄດ້ມາດຕະຖານທັງພາຍໃນ ແລະ ສາກົນ.
ເງື່ອນໄຂຂອງຜູ້ເຂົ້າສຶກສາ
ຕາມຂໍ້ກຳນົດວ່າດ້ວຍເງື່ອນໄຂການຮັບເອົານັກສຶກສາທີ່ທາງມະຫາວິທະຍາໄລແຫ່ງຊາດວາງອອກ. ນັກ ສຶກສາຈະຕ້ອງສຳເລັດການສຶກສາໃນລະດັບປະລິນຍາຕີທຸກສາຂາ ເຊັ່ນ: ສາຂາເສດຖະສາດ, ສາຂາບໍລິຫານທຸລະກິດ, ການເງິນ, ບັນຊີ, ສັງຄົມສາດ, ສິ່ງແວດລ້ອມ, ປ່າໄມ້, ນິຕິສາດ ແລະ ລັດຖະສາດ, ອັກສອນສາດ, ວິສາວະກຳສາດ ແລະ ວິທະຍາສາດ ເປັນຕົ້ນ ໂດຍມີຄະແນນສະເລ່ຍສະສົມ 3.00 ຂຶ້ນໄປ. ສຳລັບນັກສຶກສາທີ່ ມີຄະແນນສະເລ່ຍສະສົມຕ່ຳກວ່າ 3.00 ແມ່ນຕ້ອງມີປະສົບປະການໃນການເຮັດວຽກຢ່າງໜ້ອຍ 2 ປີ.
ວິທີການຄັດເລືອກຜູ້ເຂົ້າສຶກສາ
ຈະຄັດເລືອກຕາມເອກະສານຄຳຮ້ອງ, ສອບເສັງຂຽນ ແລະ ສອບສຳພາດ. ວິຊາທີ່ຈະສອບເສັງຂຽນ ມີດັ່ງນີ້:
- ຄະນິດສາດ ແລະ ສະຖິຕິ
- ພື້ນຖານທິດສະດີເສດຖະສາດ (ຫຼັກເສດຖະສາດ, ເສດຖະສາດຈຸລະພາກ ແລະ ເສດຖະສາດມະຫາພາກ)
- ພາສາອັງກິດ
ການຈັດຕັ້ງການຮຽນ-ການສອນ
ຫຼັກສູດນີ້ເປັນຫຼັກສູດຮຽນເຕັມເວລາ 5 ເຖິງ 7 ຊົ່ວໂມງ ຕໍ່ມື້. ອາທິດໜຶ່ງຮຽນ 5 ມື້ (ວັນຈັນເຖິງ ວັນສຸກ ເລີ່ມແຕ່ເວລາ 17:00 ໂມງ ຫາ 20:30 ໂມງ) ລວມມີ 16 ອາທິດ ຕໍ່ ໜຶ່ງພາກຮຽນ ເຊິ່ງເທົ່າກັບ 320 ຊົ່ວໂມງ ຕໍ່ພາກຮຽນ.
ແຕ່ຖ້າຫຼັກສູດນີ້ເປີດການຮຽນ-ການສອນເຕັມເວລາ 8 ຊົ່ວໂມງຕໍ່ມື້ ໃນລະບົບວັນເສົາ ແລະ ວັນອາທິດ ແມ່ນເລີ່ມເວລາ 8:00 ໂມງ ຫາ 12:00 ໂມງ ແລະ 13:00 ໂມງ ຫາ 17:00 ໂມງ.
ນອກຈາກນັ້ນຄຽງຄູ່ກັບການຮຽນ-ການສອນໃນຫ້ອງຮຽນ ຕາມທີ່ກ່າວມານັ້ນແລ້ວ ຫຼັກສູດປະລິນຍາໂທເສດຖະສາດ ສາຂາເສດຖະສາດເງິນຕາ ແລະ ການເງິນພາກລັດ ຍັງຈະຕ້ອງຈັດກິດຈະກຳໄປທັດສະນະສຶກສາທາງພາຍໃນ ຫຼື ຕ່າງປະເທດຢ່າງໜ້ອຍໜຶ່ງຄັ້ງຕໍ່ຊຸດຮຽນ ເພື່ອໃຫ້ຜູ້ສຶກສາໄດ້ນຳໃຊ້ຄວາມຮູ້ທາງທິດສະດີທີ່ຮຽນມາ ສັງເກດ, ວິເຄາະບັນຫາທີ່ປະກົດຂຶ້ນຕົວຈິງ ແລະ ສາມາດເຂົ້າໃຈຢ່າງເລີກເຊິ່ງໃນທາງທິດສະດີ ແລະ ປະຕິບັດຕົວຈິງອີກດ້ວຍ.
ໄລຍະເວລາການສຶກສາ
ຫລັກສູດປະລິນຍາໂທເສດຖະສາດເງິນຕາ ແລະ ການເງິນພາກລັດເປັນຫລັກສູດໃຊ້ເວລາຮຽນ 2 ປີ, ເຊິ່ງແບ່ງອອກເປັນ 4 ພາກຮຽນ ແລະ ສາມາດຮັກສາສະຖານະພາບເປັນນັກສຶກສາໄດ້ສູງສຸດບໍ່ເກີນ 1 ປີ (2 ພາກຮຽນ).
ແຜນການຮຽນ-ການສອນໃນແຕ່ລະພາກຮຽນ, ແຕ່ລະປີ
ພາກຮຽນທີ 1
|
ລະຫັດລາຍວິຊາ |
ລາຍວິຊາ |
ຈ/ນໜ່ວຍກິດ |
|
80MLP110 81MEE110 81MMI110 81MMA110 81MQA110 81MRM110 |
ແນວທາງການເມືອງຂອງ ສປປ ລາວ ພາສາອັງກິດສຳລັບເສດຖະສາດ ທິດສະດີເສດຖະສາດຈຸລະພາກຂັ້ນສູງ ທິດສະດີເສດຖະສາດມະຫາພາກຂັ້ນສູງ ເສດຖະສາດການວິເຄາະປະລິມານ ວິທີຄົ້ນຄວ້າວິທະຍາສາດ ແລະ ສະຖິຕິ ສຳຫຼັບເສດ ຖະສາດເງິນຕາ ແລະ ການເງິນພາກລັດ |
2(2-0-0) 2(2-0-0) 3(2-2-0) 3(2-2-0) 2(2-0-0) 3(2-2-0) |
|
|
ລວມ |
15(12-6-0) |
ພາກຮຽນທີ 2
|
ລະຫັດລາຍວິຊາ |
ລາຍວິຊາ |
ຈ/ນໜ່ວຍກິດ |
|
81MMB110 81MPE110 81MAE110 81MFM110 81MSE121 81XXXXXX |
ເສດຖະສາດເງິນຕາ ແລະ ການທະນາຄານຂັ້ນສູງ ເສດຖະສາດການເງິນພາກລັດຂັ້ນສູງ ເສດຖະມິຕິຂັ້ນສູງ ເສດຖະສາດຕະຫຼາດການເງິນ ສຳມະນາ I ວິຊາເລືອກທີ 1 |
3(2-2-0) 3(2-2-0) 3(2-2-0) 2(2-2-0) 2(0-0-6) 2(X-X-X) |
|
ລວມ |
15(X-X-X) |
|
ພາກຮຽນທີ 3
|
ລະຫັດລາຍວິຊາ |
ລາຍວິຊາ |
ຈ/ນ ໜ່ວຍກິດ |
|
81MMF210 81MBE210 81MSE222 81XXXXXX |
ນະໂຍບາຍເງິນຕາ ແລະ ນະໂຍບາຍງົບປະມານ ເສດຖະສາດງົບປະມານແຫ່ງລັດ ສຳມະນາ II ວິຊາເລືອກ 2 |
2(2-2-0) 2(2-2-0) 2(0-0-6) 2(X-X-X) |
|
ລວມ |
8(X-X-X) |
|
ພາກຮຽນທີ 4
|
ລະຫັດລາຍວິຊາ |
ລາຍວິຊາ |
ຈ/ນ ໜ່ວຍກິດ |
|
81MTH220 |
ວິທະຍານິພົນ |
14 |
|
ລວມ |
14 |
|