ພາສາ​ລາວ	​ປະລິນຍາ​ໂທ​ບໍລິຫານ​ທຸລະ​ກິດ ສາຂາ​ການ​ຕະຫລາດ
ພາສາ​ອັງກິດ	Master of Business Administration Program in Marketing

 

ຈຸດປະສົງຂອງຫຼັກສູດ

1. ສ້າງນັກວິຊາການແລະນັກຄົ້ນຄ້ວາດ້ານການຕະຫລາດໃຫ້ມີຄຸນສົມບັດ, ສິນທຳປະຕິວັດແທດ ເໝາະກັບແນວທາງ ການປ່ຽນແປງໃໝ່ຂອງພັກແລະລັດຢ່າງຮອບດ້ານໂດຍສະເພາະແມ່ນ:

• ເພື່ອສ້າງນັກວິຊາການດ້ານການຕະຫລາດໃຫ້ມີຄວາມຈົງຮັກພັກດີຕໍ່ປະເທດຊາດ, ມີຈິດໃຈຮັກຊາດຕິດພັນກັບການຮັກລະບອບປະຊາທິປະໄຕ ຍຶດໝັ້ນໃນຈຸດໝາຍສັງຄົມນິຍົມ.
• ເພື່ອສ້າງນັກວິຊາການດ້ານການຕະຫລາດໃຫ້ມີຄຸນນະທຳ ຈະລິຍະທໍາແລະ ຄວາມຮັບຜິດຊອບຕໍ່ສັງຄົມ ມີຄວາມສຳນຶກໃນການປົກປັກຮັກສາວັດທະນະທຳອັນດີງາມຂອງຊາດ ແລະ ສິ່ງແວດລ້ອມ.

2. ເພື່ອສ້າງນັກວິຊາການດ້ານການຕະຫລາດໃຫ້ມີຄວາມຮູ້ທາງດ້ານການຕະຫລາດ ໂດຍສະເພາະແມ່ນ:

• ເພື່ອສ້າງນັກວິຊາການດ້ານການຕະຫລາດໃຫ້ມີຄວາມຮູ້ທາງດ້ານທິດສະດີ ການຕະຫລາດທີ່ສາ ມາດຖ່າຍທອດຄວາມຮູ້ ແລະ ພັດທະນາຄວາມຮູ້ດ້ານການຕະຫລາດໄດ້ຢ່າງມີປະສິດທິພາບ.
• ເພື່ອສ້າງນັກວິຊາການດ້ານການຕະຫລາດໃຫ້ມີຄວາມຮູ້ກ່ຽວກັບການວິເຄາະສະພາບແວດລ້ອມທາງດ້ານທຸລະກິດໂດຍສະເພາະດ້ານ ການຕະຫລາດ, ການແຂ່ງຂັນທັ້ງຕະຫລາດພາຍໃນ ແລະ ຕ່່າງປະເທດເພື່ອກໍານົດຍຸດທະສາດທາງການແຂ່ງຂັນໃນອົງກອນທຸລະກິດ.
• ເພື່ອສ້າງນັກວິຊາການດ້ານການຕະຫລາດໃຫ້ມີຄວາມຮູ້ໃໝ່ໆ ດ້ານການຕະຫລາດເພື່ອໄປພັດທະນາອົງກອນທຸລະກິດ ແລະ ໄປປະກອບອາຊິີບອິດສະຫລະໄດ້ຢ່າງມີປະສິດທິພາບ ແລະ ມີປະສິດທິຜົນ.
• ເພື່ອສ້າງນັກວິຊາການໃຫ້ເປັນນັກຄົ້ນຄ້ວາວິທະຍາສາດທາງດ້ານການຕະຫລາດ

3. ເພື່ອສ້າງເພື່ອສ້າງນັກວິຊາການດ້ານການຕະຫລາດໃຫ້ມີຄວາມສາມາດທາງດ້ານການຕະຫລາດ ໂດຍສະເພາະແມ່ນ:

• ເພື່ອສ້າງນັກວິຊາການດ້ານການຕະຫລາດໃຫ້ມີຄວາມສາມາດໃນການວິເຄາະສະພາບທາງການຕະຫລາດ, ວິເຄາະຄູູ່ແຂ່ງຂັນ, ວິເຄາະພຶດຕິກໍາຜູ້ບໍລິໂພກ.
• ເພື່ອສ້າງນັກວິຊາການດ້ານການຕະຫລາດໃຫ້ມີຄວາມສາມາດໃນການນໍາທິດສະດີດ້ານການຕະຫລາດໄປນໍາໃຊ້ກັບວຽກງານຕົວຈິງໃນການປະກອບອາຊີບໄດ້ຢ່າງມີປະສິດທິພາບ.
• ເພື່ອສ້າງນັກວິຊາການດ້ານການຕະຫລາດໃຫ້ມີຄວາມສາມາດໃນການສ້າງຈະກໍາການດ້ານການສົ່ງເສີມການຕະຫລາດ ແລະ ການໂຄສະນາ, ການນໍາສະເໜີຂາຍສິນຄ້າແລະການຄົ້ນຄ້ວາວິໄຈກ່ຽວກັບການຕະຫລາດ.

 

ເງື່ອນໄຂ​ຂອງຜູ້​ເຂົ້າ​ສຶກສາ

ໂດຍອີງຕາມຂໍ້ກຳນົດວ່າດ້ວຍເງື່ອນໄຂຂອງຜູ້ເຂົ້າສຶກສາຂອງນິຕິກໍາກ່ຽວກັບວຽກງານວິຊາການ ມະຫາວິທະຍາໄລແຫ່ງຊາດໃນມາດຕາ 10 (2013) ແລະມາດຕາ 19ຂໍ້ຕົກລົງວ່າດ້ວຍມາດຕະຖານຫລັກສູດແຫ່ງຊາດ (2011) ວາງອອກນັກສຶກສາຈະຕ້ອງສຳເລັດການສຶກສາໃນລະດັບປະລິນຍາຕີໃນສາຂາວິຊາການຕະຫລາດ ແລະ ສາຂາວິຊາອື່ນ ໆ ທີ່ໃກ້ຄຽງ ໂດຍມີຄະແນນສະເລ່ຍສະສົມ 3.00 ຂຶ້ນໄປ. ສຳລັບນັກສຶກສາທີ່ມີຄະແນນສະເລ່ຍສະສົມຕ່ຳກວ່າ 3.00 ແມ່ນຕ້ອງມີປະສົບປະການໃນການເຮັດວຽກຢ່າງໜ້ອຍ 2 ປີ. ສ່ວນນັກສຶກສາທີ່ສຳເລັດການສຶກສາໃນລະດັບປະລິນຍາຕີໃນສາຂາວິຊາ ອື່ນໆ ນັ້ນ ຕ້ອງໄດ້ລົງທະບຽນຮຽນວິຊາຄວາມຮູ້ພື້ນຖານທີ່ຈໍາເປັນໃຫ້ແກ່ການຮຽນໃນຫລັກສູດການຕະຫລາດໂດຍບໍ່ໄດ້ນັບໜ່ວຍກິດເຂົ້າໃນຫຼັກສູດແລະຕ້ອງ​ຈ່າຍ​ຄ່າ​ຮຽນ​ຂອງ​ລາຍ​ວິຊາ​ທີ່ເປັນຄວາມ​ຮູ້​ພື້ນຖານ​ວິຊາການຕະຫລາດຕ່າງຫາກ, ຊຶ່ງ​ບໍ່​ລວມເອົາ​ຄ່າ​ໃຊ້​ຈ່າຍ​ໃນການ​ຮຽນ​ຕາມ​ຫລັກສູດຂອງສາຂາການຕະຫລາດ.

ວິທີການ​ຄັດ​ເລືອກ​ຜູ້​ເຂົ້າ​ສຶກສາ

ນັກ​ສຶກສາ​ທີ່​ຈະ​ເຂົ້າ​ສຶກສາ​ປະລິນຍາ​ໂທບໍລິຫານ​ທຸລະ​ກິດສາຂາ​ການ​ຕະຫລາດເລືອກຕາມເອກະສານຄໍາຮ້ອງໂດຍຜ່ານການສອບເສັງຂຽນແລະສອບສຳພາດ ໂດ​ຍຄະນະ​ຮັບຜິດຊອບ​ຫລັກສູດ​ຊຶ່ງ​ປະກອບ​ດ້ວຍ​ຜູ້​ບໍລິຫານ​ຂອງ​ຄະນະເສດຖະສາດ​ແລະ​ບໍລິຫານ​ທຸລະ​ກິດ, ຄະນະ​ຜູ້ຕາງໜ້າຫ້ອງການ​ຄົ້ນຄວ້າ​ແລະ​ຫລັງ​ປະລິນຍາ​ຕີຂອງມະຫາວິທະຍາ​ໄລ​ແຫ່ງ​ຊາດ, ປະກອບ​ເປັນທີ​ມງານ​ຫລັກ​ຂອງ​ທີ​ມງານ​ຄັດ​ເລືອກ, ຈາກ​ນັ້ນຄະນະ​ຮັບຜິດຊອບ​ການ​ຄັດ​ເລືອກ​ຈະລາ​ຍງານ​ໃຫ້​ມະຫາວິທະຍາ​ໄລ​ແຫ່ງ​ຊາດຮັບ​ຊາບ​ແລະ​ຂໍອະນຸມັດຕາມ​ລະບຽບ​ຫລັກການ​ຂອງມະຫາວິທະຍາ​ໄລ​ແຫ່ງ​ຊາດ​ ແລະ​ ກະຊວງ​ສຶກສາ​ທິການແລະກິລາ. ວິຊາທີ່ສອບເສັງຂຽນມີ 5 ວິຊາດັ່ງນີ້:

1. ຄວາມຮູ້ທົ່ວໄປກ່ຽວກັບວິຊາບໍລິຫານທຸລະກິດ
2. ຄວາມຮູ້ທົ່ວໄປກ່ຽວກັບວິຊາການເງິນ
3. ຄວາມຮູ້ທົ່ວໄປກ່ຽວກັບວິຊາບັນຊີ
4. ຄວາມຮູ້ທົ່ວໄປກ່ຽວກັບວິຊາການຕະຫລາດ
5. ພາສາອັງກິດສຳຫລັບການຕະຫລາດ

ການຈັດ​ຕັ້ງ​ການ​ຮຽນ-ການ​ສອນ

​ເປັນ​ຫລັກສູດ​ທີ່ຮຽນ​ເສົາ ແລະອາທິດແລະຈັດ​ຕັ້ງ​ການ​​ຮຽນ​-ການ​ສອນເປັນ​ໜ່ວຍ​ກິດໃນ 4 ພາກຮຽນ (2 ປີ). ​ແຕ່​ລະ​ພາກຮຽນ ຮຽນ 20 ອາທິດ (ຮຽນ​ຕົວ​ຈິງ 16 ອາທິດ, ​ແຮ 1 ອາທິດ​, ສອບ​ເສັງ 2 ອາທິດ, ພັກ​ພາກຮຽນ 1 ອາທິດ)          ​​​ເວລາ​ຮຽນແມ່ນ 8:00-12:00ໂມງ ແລະ 13:00-17:00ໂມງ ຂອງວັນເສົາແລະອາທິດ. ຄຽງຄູ່ກັບການຮຽນ-ການສອນໃນຫ້ອງຮຽນແລ້ວຍັງຈະຕ້ອງຈັດກິດຈະກໍາໄປທັດສະນະສຶກສາທາງພາຍໃນຫລືຕ່າງປະເທດຢ່າງຫນ້ອຍຫນຶ່ງຄັ້ງຕໍ່ຫນຶ່ງຊຸດຮຽນ

ໄລຍະເວລາການສຶກສາ

ໄລຍະ​ເວລາ​ຮຽນ​ຕ່ຳ​ສຸດ 4 ພາກຮຽນ (2 ປີ) ​ແລະ ​ສູງ​ສຸດ​ບໍ່​ເກີນ 6 ພາກຮຽນ (3 ປີ)

 

ແຜນການຮຽນ-ການສອນໃນແຕ່ລະພາກຮຽນ, ແຕ່ລະປີ

         ພາກຮຽນ​ທີ I                                                                (ຈໍານວນ 13 ໜ່ວຍກິດ)

ລະຫັດວິຊາ	ລາຍວິຊາໃນຫລັກສູດ	ໜ່ວຍ​ກິດ
	ພາກຮຽນທີ I
80MLP110	​ແນວທາງ​ການ​​ເມືອງ​ຂອງ ສ.ປ.ປ. ລາວ	2(2-0-0)
82MMC111	​ພາສາ​ອັງກິດ​ສໍາລັບ​ການ​ສື່ສານ​ທາງການຕະຫລາດ	2(2-0-0)
82MMR111	ວິທີຄົ້ນຄວ້າວິທະຍາສາດແລະສະຖິຕິສຳຫລັບການຕະຫລາດ	3(2-2-0)
84MMA111	ການບັນຊີບໍລິຫານ	3(2-2-0)
82MHR111	ການບໍລິຫານຊັບພະຍາກອນມະນຸດແລະພາວະຜູ້ນຳ	3(2-2-0)
ລວມພາກຮຽນ​ທີ I		13(10-6-0)

 

ພາກຮຽນ​ທີ II                                                (ຈໍານວນ 15 ໜ່ວຍກິດ)

ລະຫັດວິຊາ	ລາຍວິຊາໃນຫລັກສູດ	ໜ່ວຍ​ກິດ
	ພາກຮຽນທີ II
82MAD111	ການ​ບໍລິຫານ​ການ​ຕະຫຼາດ​ຂັ້ນ​ສູງ	3(2-2-0)
83MFM111	ການ​ບໍລິຫານ​ການ​ເງິນ	3(2-2-0)
82MCB111	ພຶດຕິ​ກໍາ​ຜູ້​ບໍລິ​ໂພ​ກ	3(2-2-0)
82MPA111	ການສົ່ງເສີມການຕະຫຼາດແລະການໂຄສະນາ	2(2-0-0)
80XXXXXX	ວິຊາ​ເລືອກ 1	2(2-0-0)
82MSE231	ສໍາມະນາ I	2(0-0-6)
	ລວມພາກຮຽນ​ທີ II	15(10-6-6)

 

ພາກຮຽນ​ທີ III                                             (ຈໍານວນ 10 ໜ່ວຍກິດ)

ລະຫັດວິຊາ	ລາຍວິຊາໃນຫລັກສູດ	ໜ່ວຍ​ກິດ
	ພາກຮຽນທີ III
82MBR211	ການ​ບໍລິຫານຍຸດ​ທະ​ສາດ​ກາ​ຍີ່​ຫໍ້	2(2-0-0)
82MGM211	ການຕະຫຼາດ​ລະດັບໂລກ	2(2-2-0)
82MCR211	ການບໍລິຫານຄວາມສໍາພັນກັບລູກຄ້າ	2(2-2-0)
82XXXXXX	ວິຊາ​ເລືອກ 2	2(2-0-0)
82MSE232	ສໍາມະນາ II	2(0-0-6)
	ລວມພາກຮຽນ​ທີ III	10(8-4-6)

 

ພາກຮຽນ​ທີ IV                                                      (ຈໍານວນ 14 ໜ່ວຍກິດ)

ລະຫັດວິຊາ	ລາຍວິຊາໃນຫລັກສູດ	ໜ່ວຍ​ກິດ
	ພາກຮຽນທີ IV
82MTH231	​ວິທະຍາ​ນິພົນ	14
	ລວມພາກຮຽນ​ທີ IV	14