ຫຼັກສູດ |
ຫລັກສູດປະລິນຍາໂທການບັນຊີ ສາຂາການບັນຊີການເງິນ |
Master of Accountancy Program in Financial Accounting |
ຈຸດປະສົງຂອງຫຼັກສູດ: |
- ເພື່ອສ້າງບຸກຄະລາກອນທີ່ມີແນວຄິດ, ຄຸນສົມບັດ, ສິນທໍາປະຕິວັດ, ມີທັດສະນະການເມືອງ ແລະຮັກຊາດ ແລະເຊື່ອມຊືມຕໍ່ທິດທາງ ແລະການນໍາພາຂອງພັກ; - ເພື່ອສ້າງນັກວິຊາການທາງການບັນຊີການເງິນໃນລະດັບປະລິນຍາໂທໃຫ້ມີຄວາມຮູ້, ຄວາມເຂົ້າໃຈກ່ຽວກັບລະບົບບັນຊີລາວ ແລະ ລະບົບບັນຊີທີ່ສາກົນຮັບຮອງ, ມີຄວາມຊ່ຽນຊານສະເພາະດ້ານກ່ຽວກັບການບັນຊີ; - ເພື່ອສ້າງນັກບັນຊີການເງິນໃຫ້ມີສາມາດໃນການວິເຄາະບັນຫາທາງການບັນຊີການເງິນຂອງທຸລະກິດ, ສາມາດນໍາໃຊ້ເຕັກນິກ ແລະ ວິທີການຕ່າງໆ ທາງການບັນຊີການເງິນເຂົ້າໃນການປະກອບອາຊີບ. |
ເງື່ອນໄຂຂອງຜູ້ເຂົ້າສຶກສາ:
ນັກສຶກສາທີ່ຈະເຂົ້າຮຽນປະລິນຍາໂທການບັນຊີ ສາຂາການບັນຊີການເງິນມີເງື່ອນໄຂດັ່ງນີ້:
- ຕ້ອງມີເງື່ອນໄຂຄົບຖ້ວນຕາມເງື່ອນໄຂ ແລະ ມາດຕະຖານຂອງມະຫາວິທະຍາໄລແຫ່ງຊາດ ແລະ ຫຼັກສູດແຫ່ງຊາດ;
- ຕ້ອງຮຽນຈົບປະລິນຍາຕີສາຂາການບັນຊີ, ການກວດສອບ, ພາສີ ແລະ ສ່ວຍສາອາກອນ, ການເງິນ-ການທະນາຄານ, ບໍລິຫານທຸລະກິດ ແລະ ເສດຖະສາດ;
- ນັກສຶກສາສາມັນທີ່ຈົບປະລິນຍາຕີສາຂາການບັນຊີ, ການກວດສອບ, ພາສີ ແລະ ສ່ວຍສາອາກອນ, ການເງິນ-ການທະນາຄານ, ບໍລິຫານທຸລະກິດ ແລະ ເສດຖະສາດ ມີ CGPA 3.00 ຂຶ້ນໄປ, ແຕ່ຖ້າຄະແນນ CGPA ຕໍ່າກວ່າ 3.00 ຈະຕ້ອງມີປະສົບການເຮັດວຽກມາແລ້ວ 2 ປີ.
ວິທີຄັດເລືອກຜູ້ເຂົ້າສຶກສາ
ຈະຄັດເລືອກຕາມເອກະສານຄໍາຮ້ອງ, ສອບເສັງຂຽນ ແລະ ສອບສໍາພາດ ຊຶ່ງວິຊາທີ່ຈະສອບເສັງຂຽນ ມີດັ່ງນີ້:
- ຄວາມທົ່ວໄປກ່ຽວກັບວິຊາການເງິນ
- ຄວາມຮູ້ທົ່ວໄປກ່ຽວກັບວິຊາການບັນຊີ
- ການກວດສອບ
- ພາສີ ແລະ ສ່ວຍສາອາກອນ
- ພາສາອັງກິດ
ການຈັດຕັ້ງການຮຽນ-ການສອນ
ເປັນຫລັກສູດທີ່ຮຽນວັນເສົາ ແລະ ວັນອາທິດ ຄື: ຈັດຕັ້ງການຮຽນ-ການສອນເປັນໜ່ວຍກິດ 4 ພາກຮຽນ (2 ປີ) ແຕ່ລະພາກຮຽນ, ຮຽນ 20 ອາທິດ (ຮຽນຕົວຈິງ 16 ອາທິດ, ແຮ 1 ອາທິດ, ສອບເສັງ 2 ອາທິດ, ພັກພາກຮຽນ 1 ອາທິດ), ເວລາຮຽນແມ່ນເລີ່ມແຕ່ ເວລາ 8:00 ໂມງ-12:00 ໂມງ ແລະ 13:00 ໂມງ– 17:00 ໂມງ ຂອງທຸກໆ ວັນເສົາ ແລະ ວັນອາທິດ. ສຳຫລັບນັກສຶກສາທີ່ເສັງຕົກຈະຕ້ອງເກັບຄະແນນຄືນໃນພາກຮຽນເພີ່ມ (ພາກຮຽນທີ່ 3 ຊ່ວງເວລາພັກແລ້ງ).
ນັກສຶກສາທີ່ຈະສຶກສາຈົບຫຼັກສູດປະລິນຍາໂທການບັນຊີ ສາຂາການບັນຊີການເງິນໄດ້ຈະຕ້ອງໄດ້ຜ່ານການໄປທັດສະນະສຶກສາດ້ານວິຊາການຢ່າງໜ້ອຍໜື່ງເທື່ອຢູ່ພາຍໃນ ຫຼື ຕ່າງປະເທດ.
ໄລຍະເວລາການສຶກສາ
- ໄລຍະເວລາຮຽນຕ່ຳສຸດ 4 ພາກຮຽນ (2 ປີ) ແລະ ສູງສຸດບໍ່ເກີນ 6 ພາກຮຽນ (3 ປີ)
ແຜນການຮຽນ-ການສອນໃນລະພາກຮຽນໃນແຕ່ລະປີ
ພາກຮຽນທີ I
| ລະຫັດວິຊາ | ລາຍວິຊາ | ຈໍານວນໜ່ວຍກິດ |
| 80MLP110 | ແນວທາງການເມືອງຂອງ ສປປ ລາວ | 2(2-0-3) |
| 84MEA111 | ພາສາອັງກິດເພື່ອນັກບັນຊີ ແລະ ນັກກວດສອບ | 2(2-0-0) |
| 84MMA111 | ການບັນຊີບໍລິຫານ | 3(2-2-0) |
| 84MIA312 | ການກວດສອບ ແລະ ການຄວບຄຸມພາຍໃນ | 3(2-2-0) |
| 84MRM111 | ວິທີການຄົ້ນຄວ້າທາງວິທະຍາສາດ ແລະ ສະຖິຕິສໍາລັບການບັນຊີການເງິນ | 3(2-2-0) |
| ລວມພາກຮຽນທີ່ I | 13(10-6-3) | |
ພາກຮຽນທີ II
| ລະຫັດວິຊາ | ລາຍວິຊາ | ຈໍານວນໜ່ວຍກິດ |
| 84MCA211 | ການວິເຄາະ ແລະ ການບໍລິຫານຕົ້ນທຶນ | 3(2-2-0) |
| 83MFM111 | ການບໍລິຫານການເງິນ | 3(2-2-0) |
| 84MAI213 | ລະບົບຂໍ້ມູນຂ່າວສານທາງດ້ານການບັນຊີ | 2(2-0-0) |
| 84MSE215 | ສໍາມະນາ 1 | 2(0-0-6) |
| 84MXXXXX | ວິຊາເລືອກ 1 | 2(2-0-0) |
| ລວມພາກຮຽນທີ່ II | 12(8-4-6) | |
ພາກຮຽນທີ III
| ລະຫັດວິຊາ | ລາຍວິຊາ | ຈໍານວນໜ່ວຍກິດ |
| 84MFR312 | ການລາຍງານການເງິນ | 3(2-2-0) |
| 84MAA311 | ການກວດສອບ ແລະ ການຮັບປະກັນຂັ້ນສູງ | 3(2-2-0) |
| 84MAF312 | ການບັນຊີການເງິນຂັ້ນສູງ | 3(2-2-0) |
| 84MXXXXX | ວິຊາເລືອກ 2 | 2(2-0-0) |
| 84MSE313 | ສໍາມະນາ 2 | 2(0-0-6) |
| ລວມພາກຮຽນທີ່ III | 13(8-6-6) | |
ພາກຮຽນທີ IV
| ລະຫັດວິຊາ | ຊື່ວິຊາ | ຈໍານວນໜ່ວຍກິດ |
| 84MTW411 | ຂຽນ ແລະ ປ້ອງກັນວິທະຍານິພົນ | 14 |
| ລວມພາກຮຽນທີ່ IV | 14 | |