ຫຼັກສູດປະລິນຍາເອກເສດຖະສາດ

: Feb; Hits: 1731

ຫຼັກສູດປະລິນຍາເອກເສດຖະສາດ

ຫຼັກສູດ ປະລິນຍາເອກເສດຖະສາດ,

Curriculum of the Doctoral Philosophy of Economics

ຊື່ຫລັກສູດ

ພາສາລາວ: ປະລິນຍາເອກເສດຖະສາດ,
ພາສາອັງກິດ: Doctor of Philosophy Program in Economics
ຂຽນຫຍໍ້ພາສາອັງກິດ: PhD. Econ
ຂຽນຫຍໍ້ພາລາວ: ປອສ

ຊື່ປະກາສະນິຍະບັດ

ພາສາລາວ: ປະລິນຍາເອກເສດຖະສາດ
ຊື່ເປັນພາສາອັງກິດ: Doctor of Philosophy Program in Economics
ຂຽນຫຍໍ້ພາສາອັງກິດ: PhD. Econ
ຂຽນຫຍໍ້ພາລາວ: ປອສ

ໜ່ວຍງານຮັບຜິດຊອບ

ຄະນະເສດຖະສາດ ແລະບໍລິຫານທຸລະກິດ, ມະຫາວິທະຍາໄລແຫ່ງຊາດ
ເບີໂທ ຫ້ອງການ: 021 770067
ຜູ້ຮັບຜິດຊອບ: ພະແນກການສຶກສາຫຼັງປະລິນຍາຕີ ແລະ ພາກວິຊາເສດຖະສາດ

ປັດຊະຍາ

ຫຼັກສູດປະລິນຍາເອກເສດຖະສາດ ສ້າງຂຶ້ນບົນພື້ນຖານ 3 ລັກສະນະ, 5 ຫຼັກມູນ ຕາມນະໂຍບາຍທີ່ກະຊວງສຶກສາທິການ ແລະ ກິລາ, ຕາມຄວາມຮຽກຮ້ອງຕ້ອງການຂອງສັງຄົມ ແລະ ຕາມແນວທາງການປ່ຽນແປງໃໝ່ ຂອງພັກ ແລະ ລັດວາງອອກ, ໂດຍແນໃສ່:

ສ້າງບຸກຂະລາກອນທີ່ມີຄວາມຮູ້ທາງດ້ານເສດຖະສາດໃນລະດັບສູງ ທີ່ສາມາດນຳໃຊ້ຄວາມຮູ້ດັ່ງກ່າວເຂົ້າໃນການພັດທະນາປະເທດຊາດຕາມແນວທາງຂອງພັກ-ລັດວາງອອກຢ່າງມີປະສິດທິພາບ.
ສ້າງນັກວາງແຜນເສດຖະກິດລະດັບສູງ ເຊິ່ງມີຄວາມຮູ້ທາງດ້ານທິດສະດີເສດຖະສາດທີ່ໜັກແໜ້ນ ແລະ ມີຄວາມສາມາດນຳໃຊ້ຄວາມຮູ້ດັ່ງກ່າວ ເພື່ອວິເຄາະບັນຫາເສດຖະກິດທີ່ມີການປ້ຽນແປງ ທັງໃນປັດຈຸບັນ ແລະໃນອານາຄົດໄດ້.
ສ້າງນັກຄົ້ນຄວ້າ ແລະ ນັກວິຊາການທາງດ້ານເສດຖະສາດ ສາມາດເຮັດການຄົ້ນຄ້ວາວິທະຍາສາດ ແລະ ສ້າງນະໂຍບາຍສະໜັບສະໜູນການພັດທະນາເສດຖະກິດ-ສັງຄົມ ໃນຍຸກທີ່ມີການ ເຊື່ອມໂຍມກັບພາກພື້ນ.

ຈຸດປະສົງຂອງຫຼັກສູດ

ການສ້າງຫຼັກສູດປະລິນຍາເອກເສດຖະສາດ ແມ່ນອີງຕາມຄວາມຮຽກຕ້ອງການຂອງການພັດທະນາເສດ ຖະກິດໃນປັດຈຸບັນ, ຖືກອອກແບບມາເພື່ອແນ່ໃສ່ສ້າງບຸກຂະລາກອນໃຫ້ເປັນ:

ນັກເສດຖະສາດທີ່ມີຄວາມຮູ້ຄວາມສາມາດທາງດ້ານວິຊາສະເພາະລະດັບສູງ ກ່ຽວກັບການພັດທະນາເສດຖະກິດ-ສັງຄົມ ເພື່ອຕອບສະໜອງກັບຄວາມຕ້ອງການຕະຫຼາດແຮງງານທີ່ຫຼາກຫຼາຍທັງພາກລັດຖະບານ, ເອກະຊົນ ແລະ ອົງການສາກົນ.
ນັກຄົ້ນຄ້ວາ ແລະ ນັກວາງແຜນເສດຖະກິດໃຫ້ສາມາດນຳໃຊ້ທິດສະດີເສດຖະສາດລະດັບສູງ ເພື່ອເປັນເຄື່ອງມືໃນການວາງແຜນພັດທະນາເສດຖະກິດ-ສັງຄົມທີ່ສອດຄ່ອງກັບສະພາບການປ່ຽນແປງໃນແຕ່ລະໄລຍະ.
ນັກຄົ້ນຄ້ວາທີ່ມີທັກສະໃນການນຳໃຊ້ເຕັກນິກປະລິມານ ແລະ ຄຸນນະພາບ ເຂົ້າໃນການວິເຄາະເສດຖະກິດ-ສັງຄົມ ເພື່ອໃຫ້ໄດ້ມາເຊິ່ງການແກ້ໄຂບັນຫາໄລຍະສັ້ນ ແລະ ຍາວຂອງປະເທດໄດ້ຢ່າງມີປະສິດທິພາບ.
ສ້າງບຸກຄະລາກອນ ແລະ ນັກວິຊາການທີ່ມີທັກສະຄວາມເປັນຜູ້ນຳໃນການປະຕິບັດງານດ້ານການພັດທະນາເສດ ຖະກິດ-ສັງຄົມ ໂດຍຄວາມຮັບຜິດຊອບສູງ, ມີຈັນຍາບັນ, ຈັນຍາທຳ ແລະ ປະຕິບັດວຽກງານສອດຄ່ອງກັບກົດໝາຍ ຂອງປະເທດ.

ຜົນການຮຽນຮູ້ຂອງຫຼັກສູດ

ພາຍຫຼັງທີ່ນັກສຶກສາສຳເລັດການສຶກສາໃນຫຼັກສູດປະລິນຍາເອກເສດຖະສາດ ແມ່ນສາມາດຮັບປະກັນ 4 ດ້ານ:

(1) ດ້ານຄວາມຮູ້

PLO1: ຄົ້ນຄ້ວາທິດສະດີ ແລະ ຫຼັກການເສດຖະສາດໄດ້ຢ່າງຊຳນານ ອີງຕາມສະພາບແວດລ້ອມຂອງການພັດທະນາເສດຖະກິດ-ສັງຄົມ ແຕ່ລະໄລຍະ.
PLO2: ຜັນຂະຫຍາຍ ນະໂຍບາຍ, ຍຸດທະສາດ ແລະ ກົດໝາຍຕ່າງໆ ທີ່ຕິດພັນກັບການການພັດທະເສດຖະກິດ- ສັງຄົມ ຢ່າງມີປະສິດທິພາບ ແລະ ປະສິດທິຜົນ.

(2) ດ້ານຄວາມສາມາດໃນການນຳໃຊ້

PLO3: ວິເຄາະ ວິຊາການທາງດ້ານປະລິມານ ແລະ ຄຸນນະພາບ ໃນຂົງເຂດການພັດທະນາເສດຖະກິດ ແລະ ວາງແຜນໄດ້ຢ່າງມີຫຼັກການ, ຄ່ອງແຄ້ວ ພ້ອມທັງມີວິທະຍາສາດໃນລະດັບສູງ.
PLO4: ປະເມີນ ຜົນກະທົບຂອງນະໂຍບາຍພັດທະນາເສດຖະກິດ-ສັງຄົມ ຂອງລັດຖະບານໄດ້ຢ່າງມີປະສິດທິພາບ ທັງໃນໄລຍະສັ້ນ ແລະ ຍາວ.
PLO5: ພັດທະນາ ຜົນການຄົ້ນຄ້ວາວິທະຍາສາດ ເພື່ອສ້າງເປັນນະໂຍບາຍ ແລະ ວາງແຜນພັດທະນາເສດຖະ ກິດ-ສັງຄົມ ໄດ້ຢ່າງມີປະສິດທິພາບ ແລະ ສອດຄ່ອງກັບສະພາບຕົວຈິງ.

(3) ດ້ານທັກສະ

PLO6: ນຳໃຊ້ ທັກສະທາງດ້ານເຕັກໂນໂລຊີຂໍ້ມູນຂ່າວສານ ແລະ ພາສາຕ່າງປະເທດຢ່າງຊຳນານ ເພື່ອສະໜັບ ສະໜູນ ການພັດທະນາເສດຖະກິດ-ສັງຄົມ ແບບມືອາຊີບ ແລະ ທັງຮັບປະກັນການຮຽນຮູ້ຕະຫຼອດຊີວິດ.
PLO7: ປັບໃຊ້ ທັກສະການເປັນຜູ້ນໍາ, ເຮັດວຽກເປັນໝູ່ຄະນະເຂົ້າໃນການປະຕິບັດວຽກງານ ແລະ ສາມາດແກ້ໄຂ ບັນຫາຕົວຈິງໄດ້ຢ່າງມີປະສິດທິພາບ.

(4) ດ້ານຄວາມສາມາດທາງສັງຄົມ

PLO8: ໃຫ້ຄຳປຶກສາ ກ່ຽວກັບວຽກງານການພັດທະນາເສດຖະກິດ-ສັງຄົມ ຢ່າງມີຫຼັການ, ມີຈັນຍາບັນ ແລະ ມີ ຄວາມຮັບຜິດຊອບສູງຕໍ່ສັງຄົມ.
PLO9: ປະຕິບັດ ໜ້າທີ່ວຽກງານດ້ວຍມະນຸດສຳພັນທີ່ດີ, ມີຄວາມສອດຄ່ອງກັບລະບຽບກົດໝາຍ, ວັດທະນະທຳ ແລະ ຮີດຄອງປະເພນີອັນດີງານຂອງຊາດ.

ການຄັດເລືອກຜູ້ເຂົ້າສຶກສາ

ຜູ້ທີ່ຈະເຂົ້າສຶກສາໃນລະດັບປະລິນຍາເອກເສດຖະສາດ ຈະຕ້ອງຜ່ານການຄັດເລືອກດ້ວຍການສອບເສັງວິຊາດັ່ງນີ້:

ຄວາມຮູ້ກ່ຽວກັບເສດຖະສາດ ແລະ ຄະນິດສາດ
ການສຳພາດຈາກຄະນະກຳມະການທີ່ຮັບຜິດຊອບ

ຈາກນັ້ນຄະນະຮັບຜິດຊອບການຄັດເລືອກ ຈະລາຍງານໃຫ້ມະຫາວິທະຍາໄລແຫ່ງຊາດຮັບຊາບ ແລະ ຂໍອະນຸ ມັດຕາມລະບຽບຫລັກການ ຂອງມະຫາວິທະຍາໄລແຫ່ງຊາດວາງອອກ.

ການຈັດຕັ້ງການຮຽນການສອນ

ຫຼັກສູດປະລິນຍາເອກເສດຖະສາດ ເປັນຫລັກສູດທີ່ຮຽນເຕັມເວລາ, ຈັດຕັ້ງການຮຽນ-ການສອນເປັນພາສາລາວ ແລະ ຮຽນເປັນລະບົບໜ່ວຍກິດ, ເຊິ່ງປະກອບມີ 6 ພາກຮຽນ (3 ປີ), ໂດຍແຕ່ລະພາກຮຽນ ມີການຈັດ ຕັ້ງການຮຽນ-ການສອນ 20 ອາທິດ. ໃນນີ້, ຮຽນຕົວຈິງ 16 ອາທິດ, ແຮ 1 ອາທິດ, ສອບເສັງ 1 ອາທິດ, ແລະ ພັກພາກຮຽນ 2 ອາທິດ, ການຈັດຕັ້ງການຮຽນ-ການສອນແມ່ນວັນເສົາ ແລະ ວັນອາທິດ ໂດຍເລີ່ມແຕ່ 8:00 ຫາ 17:00 ໂມງ ເຊິ່ງຈະມີການຮຽນຕົວຈິງຈໍານວນ 16 ອາທິດ. ຖ້ານັກສຶກສາຜູ້ໃດຫາກເສັງຕົກຈະຕ້ອງເກັບຄະແນນຄືນໃນພາກຮຽນທີ 3 ຊ່ວງເວລາພັກແລ້ງ. ຄຽງຄູ່ກັບການຮຽນ-ການສອນໃນຫ້ອງຮຽນແລ້ວ ຍັງຈະຕ້ອງຈັດກິດຈະກຳໄປທັດສະນະສຶກສາ ທາງພາຍໃນ ຫຼື ຕ່າງປະເທດ ຢ່າງໜ້ອຍໜຶ່ງຄັ້ງຕໍ່ໜຶ່ງຊຸດຮຽນ.

ໄລຍະເວລາສຶກສາ

ຫຼັກສູດປະລິຍາເອກເສດຖະສາດ ມີໄລຍະເວລາຮຽນຕ່ຳສຸດ 3 ປີ (6 ພາກຮຽນ) ແລະ ສູງສຸດບໍ່ເກີນ 5 ປີ (10 ພາກຮຽນ). ສະນັ້ນ, ຖ້ານັກສຶກສາບໍ່ສາມາດຈົບການສຶກສາພາຍໃນ 3 ປີໄດ້, ຕ້ອງໄດ້ລົງທະບຽນຮັກສາສະຖານະພາບນັກສຶກສາໄດ້ຕື່ມອີກ 2 ປີ, ຖ້ານັກສຶກສາບໍ່ສາມາດຈົບພາຍໃນ 5 ປີ ຈະຖືວ່າພົ້ນສະພາບຈາກການເປັນນັກສຶກສາປະລິນເອກເສດຖະສາດ, ເວັ້ນເສຍແຕ່ມີເຫດຜົນທີ່ເໝາະສົມ ຊຶ່ງໄດ້ຮັບການຢັ້ງຢືນຈາກຄະນະຮັບຜິດ ຊອບ ແລະ ອະນຸມັດຈາກມະຫາວິທະຍາໄລແຫ່ງຊາດ.

ເງື່ອນໄຂການສຳເລັດການສຶຶກສາປະລິນຍາເອກເສດຖະສາດ

ນັກສຶກສາຕ້ອງໄດ້ສຳເລັດການຮຽນ-ການສອນຄົບທຸກລາຍວິຊາທີ່ໄດ້ກຳນົດໄວ້ໃນຫຼັກສູດ ແລະ ມີຄະແນນສະເສ່ຍບໍ່ຕໍ່າກວ່າເກນທີ່ໄດ້ກຳນົດໄວ້
ນັກສຶກສາຈະຕ້ອງໄດ້ເຂົ້າຮ່ວມການນຳສະເໜີກບົດຄົ້ນຄວ້າຂອງຕົນໃນກອງປະຊຸມວິທະຍາສາດ ຢ່າງໜ້ອຍ ພາຍໃນ 1 ຄັ້ງ, ແລະ ລະດັບສາກົນ 1 ຄັ້ງ.
ນັກສຶກສາຕ້ອງໄດ້ຮັບການຕີພິມບົດຄົ້ນຄວ້າຂອງຕົນເອງລົງໃນວາລະສານ ຢ່າງໜ້ອຍ ພາຍໃນ 1 ສະບັບ ແລະ ສາກົນທີ່ໄດ້ຂື້ນ Index ໃນຖານຂໍ້ມູນ SCOPUS 1 ບົດ.
ນັກສຶກສາຕ້ອງໄດ້ສຳເລັດ ແລະ ຖືກຮັບຮອງຜ່ານການປ້ອງກັນຈາກຄະນະກຳມະການຜູ້ຊົງຄຸນວຸດທິທັງພາຍໃນ ແລະ ພາຍນອກສະຖາບັນ ທຸກຂັ້ນຕອນ.

ແຜນການສອນຫຼັກສູດປະລິນຍາເອກເສດຖະສາດ

ໜວດວິຊາບັງຄັບ

ລ/ດ	ລະຫັດວິຊາ	ຊື່ວິຊາ	ຈ/ນ ໜ່ວຍກິດ
1	82AMI111	ທິດສະດີເສດຖະສາດຈຸລະພາກຂັ້ນສູງ (Advanced Microeconomics Theory)	3(3-0-6)
2	82AMA112	ທິດສະດີເສດຖະສາດມະຫາພາກຂັ້ນສູງ (Advanced Macroeconomics Theory)	3(3-0-6)
3	82AEM113	ເສດຖະມິຕິຂັ້ນສູງຂັ້ນສູງ (Advanced Econometrics)	3(3-0-6)
4	82ARM114	ວິທີຄົ້ນຄ້ວາວິທະຍາສາດຂັ້ນສູງ (Advanced Research Methodology)	3(3-0-6)
5	82AET115	ທິດສະດີເສດຖະສາດພັດທະນາຂັ້ນສູງ (Advanced Economics Development Theory)	3(3-0-6)
6	82SWD221	ສຳມະນາການຂຽນວິທະຍານິພົນ I (Seminar for Writing Dissertation I)	2(2-0-4)
7	82SWD222	ສຳມະນາການຂຽນວິທະຍານິພົນ II (Seminar for Writing Dissertation II)	2(2-0-4)
8	82SWD323	ສຳມະນາການຂຽນວິທະຍານິພົນ III (Seminar for Writing Dissertation III)	2(2-0-4)
9	82SWD324	ສຳມະນາການຂຽນວິທະຍານິພົນ IV (Seminar for Writing Dissertation IV)	2(2-0-4)
ລວມ			23(23-0-46)

13.1.2 ໝວດວິຊາເລືອກ

ລ/ດ

ລະຫັດວິຊາ

ຊື່ວິຊາ

ຈ/ນ ໜ່ວຍກິດ

82ATA116

ການວິເຄາະຂໍ້ມູນອະນຸກົມເວລາຂັ້ນສູງ

(Advanced Time Serries Data Analysis)

3(3-0-6)

ລວມ

3(3-0-6)

ການຂຽນບົດວິທະຍານິພົນ (Dissertation)

ລ/ດ	ລະຫັດວິຊາ	ຊື່ວິຊາ	ຈ/ນ ໜ່ວຍກິດ
1	82WTD331	ຂຽນບົດວິທະຍານິພົນ (Writing the Dissertation)	36(0-0-36)
ລວມ			36(0-0-36)

Rating:

( 4 Ratings )

ຄະນະເສດຖະສາດ ແລະ ບໍລິຫານທຸລະກິດ