ຫຼັກສູດ ປະລິນຍາເອກ ເສດຖະສາດ
DOCTOR OF PHILOSOPHY PROGRAM IN ECONOMICS
ຫຼັກສູດປະລິນຍາເອກເສດຖະສາດ
Curriculum of the Doctoral Philosophy in Economics
1. ຊື່ຫລັກສູດ
- ພາສາລາວ: ປະລິນຍາເອກເສດຖະສາດ
- ພາສາອັງກິດ: Doctor of Philosophy Program in Economics
- ຂຽນຫຍໍ້ພາສາອັງກິດ: PhD. Econ
- ຂຽນຫຍໍ້ພາລາວ: ປອສ
-
ຊື່ປະກາສະນິຍະບັດ
- ພາສາລາວ: ປະລິນຍາເອກເສດຖະສາດ
- ຊື່ເປັນພາສາອັງກິດ: Doctor of Philosophy in Economics
- ຂຽນຫຍໍ້ພາສາອັງກິດ: PhD. Econ
- ຂຽນຫຍໍ້ພາສາລາວ: ປອສ
- ຄະນະເສດຖະສາດ ແລະບໍລິຫານທຸລະກິດ, ມະຫາວິທະຍາໄລແຫ່ງຊາດ
- ເບີໂທ ຫ້ອງການ: 021 770067
- ຜູ້ຮັບຜິດຊອບ: ພະແນກຫຼັງປະລິນຍາຕີ ແລະ ພາກວິຊາເສດຖະສາດ
4. ປັດຊະຍາ ແລະ ຈຸດປະສົງຂອງຫຼັກສູດ
4.1 ປັດຊະຍາ
ຫຼັກສູດປະລິນຍາເອກເສດຖະສາດສ້າງຂຶ້ນບົນພື້ນຖານ 3 ລັກສະນະ, 5 ຫຼັກມູນ ຕາມນະໂຍ ບາຍທີ່ກະຊວງສຶກສາທິການ ແລະ ກິລາ, ຕາມຄວາມຮຽກຮ້ອງຕ້ອງການຂອງສັງຄົມ ແລະ ຕາມແນວທາງການປ່ຽນແປງໃໝ່ຂອງພັກ ແລະ ລັດວາງອອກ, ໂດຍແນໃສ່:
- ສ້າງບຸກຂະລາກອນທີ່ມີຄວາມຮູ້ທາງດ້ານການພັດທະນາ ແລະ ການວາງແຜນໃນລະດັບສູງ ເຊິ່ງສາມາດນຳໃຊ້ຄວາມຮູ້ດັ່ງກ່າວເຂົ້າໃນການພັດທະນາປະເທດຊາດຕາມແນວທາງຂອງພັກ-ລັດວາງອອກຢ່າງມີປະສິດທິພາບ.
- ສ້າງນັກວາງແຜນເສດຖະກິດລະດັບສູງ ເຊິ່ງມີຄວາມຮູ້ທາງດ້ານທິດສະດີເສດຖະສາດທີ່ໜັກແໜ້ນ ແລະ ສາມາດນຳໃຊ້ຄວາມຮູ້ດັ່ງກ່າວ ເພື່ອວິເຄາະບັນຫາເສດຖະກິດໃນປັດຈຸບັນໄດ້.
- ສ້າງນັກຄົ້ນຄວ້າ ແລະ ນັກວິຊາການທາງດ້ານເສດຖະສາດ ສາມາດເຮັດບົດຄົ້ນຄ້ວາວິທະຍາສາດ ແລະ ສ້າງນະໂຍບາຍສະໜັບສະໜູນການພັດທະນາເສດຖະກິດ-ສັງຄົມ ໃນຍຸກທີ່ມີການ ເຊື່ອມໂຍມກັບພາກພື້ນ.
4.2 ຈຸດປະສົງຂອງຫຼັກສູດ
ການສ້າງຫຼັກສູດປະລິນຍາເອກເສດຖະສາດແມ່ນອີງຕາມຄວາມຮຽກຕ້ອງການຂອງການພັດທະນາເສດຖະກິດໃນປັດຈຸບັນ, ຖືກອອກແບບມາເພື່ອແນ່ໃສ່ສ້າງບຸກຂະລາກອນໃຫ້ເປັນ:
- ນັກເສດຖະສາດທີ່ມີຄວາມຮູ້ຄວາມສາມາດທາງດ້ານວິຊາສະເພາະລະດັບສູງ ກ່ຽວກັບການວາງແຜນ ແລະ ພັດທະນາເສດຖະກິດ-ສັງຄົມ ເພື່ອຕອບສະໜອງກັບຄວາມຕ້ອງການຕະຫຼາດແຮງງານທີ່ຫຼາກຫຼາຍທັງພາກລັດຖະ ບານ, ເອກະຊົນ ແລະ ອົງການສາກົນ.
- ນັກຄົ້ນຄ້ວາ ແລະ ນັກວາງແຜນເສດຖະກິດໃຫ້ສາມາດນຳໃຊ້ທິດສະດີເສດຖະສາດລະດັບສູງ ເພື່ອເປັນເຄື່ອງມືໃນການວາງແຜນພັດທະນາເສດຖະກິດ-ສັງຄົມທີ່ສອດຄ່ອງກັບສະພາບໃນປັດຈຸບັນ.
- ນັກປຄົ້ນຄ້ວາທີ່ມີທັກສະໃນການນຳໃຊ້ເຕັກນິກປະລິມານ ແລະ ຄຸນນະພາບເຂົ້າໃນການວິເຄາະເສດຖະ ກິດ-ສັງຄົມ ເພື່ອໃຫ້ໄດ້ມາເຊິ່ງການແກ້ໄຂບັນຫາໄລຍະສັ້ນ ແລະ ຍາວຂອງປະເທດໄດ້ຢ່າງມີປະສິດທິພາບ.
- ສ້າງບຸກຄະລາກອນ ແລະ ນັກວິຊາການທີ່ມີທັກສະຄວາມເປັນຜູ້ນຳໃນການປະຕິບັດງານດ້ານການພັດທະນາເສດຖະ ກິດ-ສັງຄົມ ໂດຍຄວາມຮັບຜິດຊອບສູງ, ມີຈັນຍາບັນ, ຈັນຍາທຳ ແລະ ປະຕິບັດວຽກງານສອດຄ່ອງກັບກົດໝາຍ ຂອງປະເທດ.
-
ຜົນການຮຽນຮູ້ຂອງຫຼັກສູດ
ພາຍຫຼັງທີ່ນັກສຶກສາສຳເລັດການສຶກສາໃນຫຼັກສູດປະລິນຍາເອກເສດຖະສາດ ແມ່ນສາມາດ ຮັບປະກັນ 4 ດ້ານ:
(1) ດ້ານຄວາມຮູ້
PLO1: ຄົ້ນຄ້ວາທິດສະດີ ແລະ ຫຼັກການເສດຖະສາດໄດ້ຢ່າງຊຳນານ ອີງຕາມສະພາບແວດລ້ອມຂອງການພັດທະ ນາເສດຖະກິດ-ສັງຄົມ ແຕ່ລະໄລຍະ.
PLO2: ຜັນຂະຫຍາຍ ນະໂຍບາຍ, ຍຸດທະສາດ ແລະ ກົດໝາຍຕ່າງໆ ທີ່ຕິດພັນກັບການການພັດທະເສດຖະກິດ-ສັງ ຄົມ ຢ່າງມີປະສິດທິພາບ ແລະ ເປັນຮູບປະທໍາ
(2) ດ້ານການນຳໃຊ້
PLO3: ວິເຄາະ ວິຊາການທາງດ້ານປະລິມານ ແລະ ຄຸນນະພາບ ໃນຂົງເຂດການພັດທະນາ ແລະ ການວາງແຜນ ໄດ້ຢ່າງມີຫຼັກການ, ຄ່ອງແຄ້ວ ພ້ອມທັງມີວິທະຍາສາດໃນລະດັບສູງ.
PLO4: ປະເມີນ ຜົນກະທົບຂອງນະໂຍບາຍພັດທະນາເສດຖະກິດ-ສັງຄົມ ຂອງລັດຖະບານໄດ້ຢ່າງມີປະ ສິດທິພາບ ທັງໃນໄລຍະສັ້ນ ແລະ ຍາວ.
PLO5: ພັດທະນາ ຜົນການຄົ້ນຄ້ວາວິທະຍາສາດ ເພື່ອສ້າງເປັນນະໂຍບາຍ ແລະ ວາງແຜນພັດທະນາເສດຖະ ກິດ-ສັງຄົມ ໄດ້ຢ່າງມີປະສິດທິພາບ ແລະ ສອດຄ່ອງກັບສະພາບຕົວຈິງ.
(3) ດ້ານທັກສະ
PLO6: ນຳໃຊ້ ທັກສະທາງດ້ານເຕັກໂນໂລຊີຂໍ້ມູນຂ່າວສານ ແລະ ພາສາຕ່າງປະເທດຢ່າງຊຳນານ ເພື່ອສະໜັບສະໜູນ ການພັດທະນາເສດຖະກິດ-ສັງຄົມ ແບບມືອາຊີບ ແລະ ທັງຮັບປະກັນການຮຽນຮູ້ຕະ ຫຼອດຊີວິດ.
PLO7: ປັບໃຊ້ ທັກສະການເປັນຜູ້ນໍາ ແລະ ເຮັດວຽກເປັນໝູ່ຄະນະເຂົ້າໃນການປະຕິບັດວຽກງານ ແລະ ສາມາດແກ້ໄຂບັນຫາຕົວຈິງໄດ້ຢ່າງມີປະສິດທິພາບ.
(4) ດ້ານສັງຄົມ
PLO8: ໃຫ້ຄຳປຶກສາ ກ່ຽວກັບວຽກງານການພັດທະນາເສດຖະກິດ-ສັງຄົມ ຢ່າງມີຫຼັການ, ມີຈັນຍາບັນ ແລະ ມີຄວາມຮັບຜິດຊອບສູງຕໍ່ສັງຄົມ.
PLO9: ປະຕິບັດ ໜ້າທີ່ວຽກງານດ້ວຍມະນຸດສຳພັນທີ່ດີ, ມີຄວາມສອດຄ່ອງກັບລະບຽບກົດໝາຍ, ວັດທະ ນະທຳ ແລະ ຮີດຄອງປະເພນີອັນດີງານຂອງຊາດ.
6. ກໍານົດເວລາໃນການເປີດສອນ
ເລີ່ມຕົ້ນເປີດສອນ ແຕ່ສົກປີ 2023– 2024, ເປັນຫຼັກສູດທີ່ຈັດຕັ້ງການຮຽນ-ການສອນແບບເຕັມເວລາ ມີໄລຍະການຮຽນແຕ່ 3-5 ປີ. ຫຼັງຈາກຈົບຊຸດທີ 1 ແລ້ວຈະມີການປະເມີນຜົນການຈັດຕັ້ງປະຕິບັດຫຼັກສູດດັ່ງກ່າວກ່ອນ ຈິ່ງເປີດຮັບນັກສຶກສາຊຸດທີ 2.
8. ເງື່ອນໄຂຂອງຜູ້ເຂົ້າຮຽນ
ອີງຕາມຂໍ້ກຳນົດວ່າດ້ວຍເງື່ອນໄຂການຮັບເອົານັກສຶກສາປະລິນຍາເອກທີ່ທາງມະຫາວິທະຍາ ໄລແຫ່ງຊາດວາງອອກມີດັ່ງນີ້:
- ນັກສຶກສາຈະຕ້ອງສຳເລັດການສຶກສາໃນລະດັບປະລິນຍາໂທສາຂາເສດຖະສາດ ໂດຍມີຄະແນນສະເລ່ຍ50 ຂຶ້ນໄປ.
- ນັກສຶກສາທີ່ຮຽນຈົບປະລິນຍາໂທສາຂາອື່ນທີ່ບໍ່ແມ່ນເສດຖະສາດ ເປັນຕົ້ນແມ່ນ: ວິທະຍາສາດ ສັງຄົມ, ນິຕິສາດ ແລະ ລັດຖະສາດ, ຄະນິດສາດ ແລະ ວິທະຍາສາດສິ່ງແວດລ້ອມ, ຕ້ອງມີ CGPA 50 ຂຶ້ນໄປແລະຕ້ອງຮຽນຄືນໝວດວິຊາເສດຖະສາດ 15 ໜ່ວຍກິດ ເຊີ່ງລາຍວິຊາດັ່ງກ່າວແມ່ນສະແດງໃນຕາຕະລາງດັ່ງນີ້:
ຕາຕະລາງທີ 2: ລາຍຊື່ວິຊາພື້ນຖານເສດຖະສາດ
|
ລ/ດ |
ລາຍຊື່ວິຊາພື້ນຖານເສດຖະສາດ |
ຈໍານວນໜ່ວຍກິດ |
|
1 |
ທິດສະດີເສດຖະສາດຈຸລະພາກ |
3(3-0-0) |
|
2 |
ທິດສະດີເສດຖະສາດມະຫາພາກ |
3(3-0-0) |
|
3 |
ທິດສະດີເສດຖະສາດພັດທະນາ ແລະ ການວາງແຜນ |
3(3-0-0) |
|
4 |
ທິດສະດີເສດຖະສາດການເງິນພາກລັດ |
3(3-0-0) |
|
5 |
ທິດສະດີການຄ້າລະຫວ່າງປະເທດ |
3(3-0-0) |
|
|
ລວມ |
15(15-0-0) |
ໝາຍເຫດ: ຈໍານວນໜ່ວຍກິດທີ່ສະແດງໄວ້ໃນຕາຕະລາງທີ 2 ບໍ່ໄດ້ລວມຢູ່ໃນຫຼັກສູດ ແລະນັກສຶກສາກຸ່ມນີ້
ຕ້ອງຈ່າຍເງິນຄ່າຮຽນຂອງລາຍວິຊາຄວາມຮູ້ພື້ນຖານຕ່າງຫາກ, ເຊີ່ງບໍ່ໄດ້ລະບຸໄວ້ໃນງົບປະມານ
ຄ່າໃຊ້ຈ່າຍຄ່າຮຽນຕາມຫລັກສູດ.
- ຕ້ອງຮູ້ພາສາອັງກິດໃນລະດັບດີ ສາມາດສະເໜີບົດຄົ້ນຄວ້າຕໍ່ກອງປະຊຸມວິຊາການ ຢູ່ພາຍໃນ ຫຼື ຕ່າງປະເທດໄດ້.
- ມີຄວາມຮູ້, ທັກສະ ແລະ ການນຳໃຊ້ທາງດ້ານ IT ໃນລະດັບດີ, ສາມາດຄົ້ນຫາຂໍ້ມູນ ແລະ ບົດຄົ້ນຄ້ວາວິທະຍາສາດທີ່ກ່ຽວຂ້ອງໃນອີນເຕີເນັດໄດ້.
- ຕ້ອງມີໜັງສືຢັ້ງຢືນຮັບຮອງຈາກອາຈານທີ່ປຶກສາ
9. ຄັດເລືອກຜູ້ເຂົ້າສຶກສາ
ຜູ້ທີ່ຈະເຂົ້າສຶກສາໃນລະດັບປະລິນຍາເອກເສດຖະສາດ ຈະຕ້ອງຜ່ານການຄັດເລືອກດ້ວຍການສອບເສັງວິຊາດັ່ງນີ້:
- ຄວາມຮູ້ກ່ຽວກັບເສດຖະສາດ ແລະ ຄະນິດສາດ
- ການສຳພາດຈາກຄະນະກຳມະການທີ່ຮັບຜິດຊອບ
ຈາກນັ້ນຄະນະຮັບຜິດຊອບການຄັດເລືອກ ຈະລາຍງານໃຫ້ມະຫາວິທະຍາໄລແຫ່ງຊາດຮັບຊາບ ແລະ ຂໍອະນຸມັດຕາມລະບຽບຫລັກການຂອງມະຫາວິທະຍາໄລແຫ່ງຊາດວາງອອກ.
10. ການຈັດຕັ້ງການຮຽນການສອນ
ຫຼັກສູດປະລິນຍາເອກເສດຖະສາດ ເປັນຫລັກສູດທີ່ຮຽນເຕັມເວລາ, ຈັດຕັ້ງການຮຽນ-ການສອນເປັນພາສາລາວ ແລະ ຮຽນເປັນລະບົບໜ່ວຍກິດ, ເຊິ່ງປະກອບມີ 6 ພາກຮຽນ (3 ປີ), ໂດຍແຕ່ລະພາກຮຽນ ມີການຈັດຕັ້ງການຮຽນ-ການສອນ 20 ອາທິດ. ໃນນີ້, ຮຽນຕົວຈິງ 16 ອາທິດ, ແຮ 1 ອາທິດ, ສອບເສັງ 1 ອາທິດ, ແລະ ພັກພາກຮຽນ 2 ອາທິດ, ການຈັດຕັ້ງການຮຽນ-ການສອນແມ່ນວັນເສົາ ແລະວັນອາທິດ ໂດຍເລີ່ມແຕ່ 8:00 ຫາ 17:00 ໂມງ ເຊິ່ງຈະມີການຮຽນຕົວຈິງຈໍານວນ 16 ອາທິດ. ຖ້ານັກສຶກສາຜູ້ໃດຫາກເສັງຕົກຈະຕ້ອງເກັບຄະແນນຄືນໃນພາກຮຽນທີ 3 ຊ່ວງເວລາພັກແລ້ງ. ຄຽງຄູ່ກັບການຮຽນ-ການສອນໃນຫ້ອງຮຽນແລ້ວ ຍັງຈະຕ້ອງຈັດກິດຈະກຳໄປທັດສະນະສຶກສາ ທາງພາຍໃນ ຫຼື ຕ່າງປະເທດ ຢ່າງໜ້ອຍໜຶ່ງຄັ້ງຕໍ່ໜຶ່ງຊຸດຮຽນ.
11. ໄລຍະເວລາສຶກສາ
ຫຼັກສູດປະລິຍາເອກເສດຖະສາດ ມີໄລຍະເວລາຮຽນຕ່ຳສຸດ 3 ປີ (6 ພາກຮຽນ) ແລະ ສູງສຸດບໍ່ເກີນ 5 ປີ (10 ພາກຮຽນ). ສະນັ້ນ, ຖ້ານັກສຶກສາບໍ່ສາມາດຈົບການສຶກສາພາຍໃນ 5 ປີໄດ້, ຕ້ອງໄດ້ລົງທະບຽນຮັກສາສະຖານະພາບນັກສຶກສາໄດ້ຕື່ມອີກ 2 ປີ, ຖ້ານັກສຶກສາບໍ່ສາມາດຈົບພາຍໃນ 7 ປີ ຈະຖືວ່າພົ້ນສະພາບຈາກການເປັນນັກສຶກສາປະລິນເອກເສດຖະສາດ, ເວັ້ນເສຍແຕ່ມີເຫດຜົນທີ່ເໝາະສົມ ຊຶ່ງໄດ້ຮັບການຢັ້ງຢືນຈາກຄະນະຮັບຜິດຊອບ ແລະ ອະນຸມັດຈາກມະຫາວິທະຍາໄລແຫ່ງຊາດ.
12. ເນື້ອໃນໂຄງສ້າງຫຼັກສູດ
12.1 ການກຳນົດໝວດວິຊາ ແລະ ລາຍວິຊາສຳລັບຫຼັກສູດປະລິນຍາເອກ
12.1.1 ໝວດວິຊາທິດສະດີ 18 ໜ່ວຍກິດ
12.1.2 ສໍາມະນາການຂຽນວິທະຍານິພົນ 8 ໜ່ວຍກິດ
12.1.3 ຂຽນບົດວິທະຍານິພົນ 36 ໜ່ວຍກິດ
ຈຳນວນໜ່ວຍກິດລວມ 62 ໜ່ວຍກິດ
12.1.1 ໜວດວິຊາທິດສະດີ (Theoretical Subjects)
|
ລ/ດ |
ລະຫັດວິຊາ |
ຊື່ວິຊາ |
ຈ/ນ ໜ່ວຍກິດ |
|
1 |
82AMI111 |
ທິດສະດີເສດຖະສາດຈຸລະພາກຂັ້ນສູງ (Advanced Microeconomics Theory) |
3(2-2-0)
|
|
2 |
82AMA112 |
ທິດສະດີເສດຖະສາດມະຫາພາກຂັ້ນສູງ (Advanced Macroeconomics Theory) |
3(2-2-0)
|
|
3 |
82AEM113 |
ເສດຖະມິຕິຂັ້ນສູງ (Advanced Econometrics) |
4(2-4-0)
|
|
4 |
82ARM114 |
ວິທີຄົ້ນຄ້ວາວິທະຍາສາດຂັ້ນສູງ (Advanced Research Methodology) |
4(2-2-3)
|
|
5 |
82AET115 |
ທິດສະດີເສດຖະສາດພັດທະນາຂັ້ນສູງ (Advanced Economics Development Theory) |
4(3-2-0) |
|
ລວມ |
18(11-12-3) |
||
12.1.2 ໝວດວິຊາການຄົ້ນຄວ້າ ແລະ ກິດຈະກຳທາງວິຊາການ (Research and Academic
Activities Subjects)
|
ລ/ດ |
ລະຫັດວິຊາ |
ຊື່ວິຊາ |
ຈ/ນ ໜ່ວຍກິດ |
|
1 |
82SWD221 |
ສຳມະນາການຂຽນວິທະຍານິພົນ I (Seminar for Writing Dissertation I) |
2(0-4-0)
|
|
2 |
82SWD222 |
ສຳມະນາການຂຽນວິທະຍານິພົນ II (Seminar for Writing Dissertation II) |
2(0-4-0)
|
|
3 |
82SWD323 |
ສຳມະນາການຂຽນວິທະຍານິພົນ III (Seminar for Writing Dissertation III) |
2(0-4-0)
|
|
4 |
82SWD324 |
ສຳມະນາການຂຽນວິທະຍານິພົນ IV (Seminar for Writing Dissertation IV) |
2(0-4-0)
|
|
ລວມ |
8 (0-16-0) |
||
12.1.3 ການຂຽນບົດວິທະຍານິພົນ (Dissertation)
|
ລ/ດ |
ລະຫັດວິຊາ |
ຊື່ວິຊາ |
ຈ/ນ ໜ່ວຍກິດ |
|
1 |
82WTD331 |
ຂຽນບົດວິທະຍານິພົນ (Writing the Dissertation) |
36 |
|
ລວມ |
36 |
||
ໝາຍເຫດ: ນັກສຶກສາ ສາມາດຂຽນວິທະຍານິພົນເປັນພາສາລາວ ຫຼື ພາສາອັງກິດກໍໄດ້.