ພາສາລາວ |
ຫລັກສູດປະລິນຍາໂທຂອງພາກວິຊາການເງິນ-ການທະນາຄານ |
|||
ພາສາອັງກິດ |
Master of Business Administration Program in Finance |
|||
ຈຸດປະສົງຂອງຫຼັກສູດ
-
ເພື່ອສ້າງບຸກຄະລາກອນໃຫ້ມີຄຸນລັກສະນະພຽບພ້ອມໄປດ້ວຍຄຸນສົມບັດຂອງນັກບໍລິຫານການເງິນທີ່ດີ, ມີຈັນຍາບັນທາງດ້ານຫລັກວິຊາການທີ່ເຂັ້ມແຂງໂດຍສະເພາະແມ່ນສ້າງນັກວິຊາການໃຫ້ມີຈັນຍາບັນທາງດ້ານວິຊາການທີ່ເຂັ້ມແຂງ, ມີແນວຄິດຮັກຊາດ, ຈົງຮັກພັກດີຕໍ່ພັກ, ລັດ ແລະ ລະບອບປະຊາທິປະໄຕປະຊາຊົນ.ມີສິນທຳ, ຈະລິຍະທຳປະຈຳໃຈ, ມີຄວາມສຳນຶກໃນການປົກປັກຮັກສາຊັບພະຍາກອນອັນລ້ຳຄ່າວັດທະນະທຳອັນດີງາມຂອງຊາດແລະ ສິ່ງແວດລ້ອມ.ສ້າງບຸກຄະລາກອນໃຫ້ເປັນພົນລະເມືອງດີ, ເຄົາລົບກົດໝາຍ ແລະ ຮີດຄອງປະເພນີຂອງຊາດ. ສ້າງບຸກຄະລາກອນໃຫ້ມີຄວາມຫ້າວຫັນ, ບຸກບືນໃນການພັດທະນາຕົນເອງໃຫ້ມີຄວາມກ້າວໜ້າເປັນກ້າວໆ ແລະ ມີຄວາມຮັບຜິດຊອບຕໍ່ໜ້າທີ່ວຽກງານ, ມີຫົວຄິດປະດິດສ້າງ, ກ້າເຮັດ, ກ້າຮັບຜິດຊອບ.
-
ເພື່ອຍົກລະດັບຄວາມຮູ້ທາງດ້ານການເງິນ ແລະການທະນາຄານ, ໂດຍສະເພາະແມ່ນການວິເຄາະທາງດ້ານການເງິນການຕະຫລາດເງິນ ແລະຕະຫລາດທຶນ, ການລົງທຶນ, ການບໍລິຫານສະຖາບັນການເງິນ, ການປະກັນໄພ,ການບໍລິຫານທະນາຄານທຸລະກິດ, ທະນາຄານກາງ ແລະອື່ນໆ,ໃຫ້ສາມາດຕອບສະໜອງຕໍ່ພາລະກິດການປ່ຽນແປງໃໝ່ຂອງພັກ-ລັດຖະບານ.
-
ຜູ້ສຳເລັດການສຶກສາສາມາດໄປຍົກລະດັບທາງດ້ານການເງິນໃນລະດັບທີ່ສູງກວ່າຢູ່ສະຖາບັນອື່ນທັງພາຍໃນແລະຕ່າງປະເທດໄດ້, ເປັນນັກວິເຄາະການລົງທຶນທາງກົງ ແລະ ທາງອ້ອມໄດ້ຢ່າງຄ່ອງແຄ້ວ, ເປັນນັກລົງທຶນທີ່ມີຄວາມສາມາດທາງດ້ານການເງິນ, ສາມາດຮ່ວມເຮັດວຽກງານດ້ານການເງິນນຳອົງການຕ່າງປະເທດແລະອົງການຕ່າງໆໃນປະເທດ ແລະ ສາມາດຈັດຕັ້ງດຳເນີນທຸລະກິດເອກະຊົນ, ລັດວິສາຫະກິດແລະຄຸ້ມຄອງເສດຖະກິດຂອງລັດ ໄດ້ຢ່າງມີປະສິດທິພາບ.
ເງື່ອນໄຂຂອງຜູ້ເຂົ້າສຶກສາ
ເງື່ອນໄຂຂອງຜູ້ເຂົ້າສຶກສາແມ່ນອີງຕາມຂໍ້ກຳນົດວ່າດ້ວຍເງື່ອນໄຂການຮັບເອົານັກສຶກສາທີ່ ມຊ ວາງອອກຄື: ນັກສຶກສາຕ້ອງສຳເລັດການສຶກສາໃນລະດັບປ.ຕີທຸກສາຂາໂດຍມີຄະແນນສະເລ່ຍສະສົມຕ່ຳກ່ວາ 3.00 ແມ່ນຕ້ອງມີປະສົບການໃນການເຮັດວຽກຢ່າງຫນ້ອຍ 2ປີ. ສ່ວນນັກສຶກສາທີ່ສຳເລັດການສຶກສາໃນລະດັບປະລິນຍາຕີໃນສາຂາວິຊາອື່ນແມ່ນຕ້ອງໄດ້ລົງທະບຽນຮຽນວິຊາຄວາມຮູ້ພືຶ້ນຖານເພື່ອເປັນຄວາມຮູ້ໃນການສຶກສາໃນຫລັກສູດນີ້, ແຕ່ຈະບໍ່ໄດ້ນັບເຂົ້າໃນຫນ່ວຍກິດໃນຫລັກສູດ. ວິຊາພື້ນຖານປະກອບມີ: ຄະນິດສາດ, ສະຖິຕິ, ຄວາມຮູ້ພື້ນຖານກ່ຽວກັັບບໍລິຫານ, ຄວາມຮູ້ພື້ນຖານກ່ຽວກັບເສດຖະສາດ ແລະບັນຊີທົ່ວໄປ.
ວິທີຄັດເລືອກຜູ້ເຂົ້າສຶກສາ
ການຄັດເລືອກແມ່ນຄັດເລືອກຕາມເອກະສານຄຳຮ້ອງ, ສອບເສັງຂຽນແລະສຳພາດ, ວິຊາທີສອບເສັງຂຽນປະກອບມີ: ຄວາມຮູ້ທົ່ວໄປກ່ຽວກັບບໍລິຫານ, ຄວາມຮູ້ທົ່ວໄປກ່ຽວກັບການເງິນ, ຄວາມຮູ້ທົ່ວໄປກ່ຽວກັບການຕະຫລາດ, ຄວາມຮູ້ທົ່ວໄປກ່ຽວກັບການບັນຊີ ແລະພາສາອັງກິດ.
ການຈັດຕັ້ງການຮຽນ-ການສອນ
ເປັນຫລັກສູດທີ່ຮຽນໃນວັນເສົາແລະວັນອາທິດຄືຈັດຕັ້ງການຮຽນ-ການສອນເປັນໜ່ວຍກິດ 4 ພາກຮຽນ (2 ປີ) ແຕ່ລະພາກຮຽນ, ຮຽນ 20ອາທິດ (ຮຽນຕົວຈິງ 16 ອາທິດ, ແຮ 1 ອາທິດ, ສອບເສັງ 2 ອາທິດ, ແລະພັກພາກຮຽນ 1 ອາທິດ),ເວລາຮຽນແມ່ນເລີ່ມແຕ່ ເວລາ 8:00-12:00ໂມງ ແລະ 13:00-17:00ໂມງ. ສຳຫລັບນັກສຶກສາທີ່ສອບເສັງຕົກຈະຕ້ອງເກັບຄະແນນຄືນໃນພາກຮຽນເພີ່ມ (ພາກຮຽນທີ3 ຊ່ວງເວລາພັກແລ້ງ).
ນອກຈາກນີ້ຄຽງຄູູ່ກັບການຮຽນການສອນໃນຫ້ອງຮຽນແລ້ວຍັງຈະຕ້ອງຈັດກິດຈະກຳໄປທັດສະນະສຶກສາທີ່ພາຍໃນ ຫລື ຕ່າງປະເທດຢ່າງຫນ້ອຍຫນື່ງຄັ້ງຕໍ່ຫນື່ງຊຸດຮຽນ.
ໄລຍະເວລາການສຶກສາ
ຫລັກສູດປະລິນຍາໂທບໍລິຫານທຸລະກິດສາຂາການເງິນແມ່ນໃຊ້ເວລາຮຽນ 2ປີ ຫລື ຮຽນໃນໄລຍະເວລາຮຽນຕ່ຳສຸດ4 ພາກຮຽນ(2 ປີ) ແລະສູງສຸດບໍ່ເກີນ6 ພາກຮຽນ(3 ປີ).
ແຜນການຮຽນ-ການສອນໃນແຕ່ລະພາກຮຽນ, ແຕ່ລະປີ
ແຜນການຮຽນ-ການສອນໃນແຕ່ລະພາກຮຽນ, ແຕ່ລະປີ
ພາກຮຽນທີ I
|
ລະຫັດ |
ລາຍວິຊາ |
ຫນ່ວຍກິດ |
|
80MML110 |
ແນວທາງການເມືອງຂອງສປປລາວ |
2(2-0-3) |
|
83MEF111 |
ພາສາອັງກິດສຳຫລັບການເງິນ |
2(2-0-0) |
|
82MHR111 |
ການບໍລິຫານຊັບພະຍາກອນ ແລະ ພາວະຄວາມເປັນຜູ້ນຳ |
3(2-2-0) |
|
84MMA111 |
ການບັນຊີບໍລິຫານ |
3(2-2-0) |
|
83MRM121 |
ວິທີການຄົ້ນຄວ້າວິທະຍາສາດ ແລະ ສະຖິຕິສຳລັບການເງິນ |
3(2-2-0) |
|
|
ລວມພາກຮຽນທີ I |
13(10-6-3) |
ພາກຮຽນທີ II
|
ລະຫັດ |
ລາຍວິຊາ |
ຫນ່ວຍກິດ |
|
82MAD111 |
ການບໍລິຫານການຕະຫລາດຂັ້ນສູງ |
3(2-2-0) |
|
83MEF111 |
ການບໍລິຫານການເງິນ |
3(2-2-0) |
|
83MFA121 |
ການວິເຄາະໃບລາຍງານທາງການເງິນ |
3(2-2-0) |
|
83MBM121 |
ການບໍລິຫານທະນາຄານທຸລະກິດ |
3(2-2-0) |
|
83MSE141 |
ສຳມະນາ I |
2(0-2-5) |
|
83XXXXXX |
ວິຊາເລືອກ |
2(2-0-0) |
|
|
ລວມພາກຮຽນທີ II |
16(10-8-5) |
ພາກຮຽນທີ III
|
ລະຫັດ |
ລາຍວິຊາ |
ຫນ່ວຍກິດ |
|
83MCM121 |
ການບໍລິຫານທະນາຄານກາງ |
2(2-0-0) |
|
83MIA221 |
ການວິເຄາະການລົງທຶນ |
3(2-2-0) |
|
83MSE142 |
ສຳມະນາ II |
2(0-2-5) |
|
83XXXXXX |
ວິຊາເລືອກ |
2(2-0-0) |
|
|
ລວມພາກຮຽນທີ III |
9(6-4-5) |
ພາກຮຽນທີ IV
|
ລະຫັດ |
ລາຍວິຊາ |
ຫນ່ວຍກິດ |
|
83MRM241 |
ວິທະຍານິພົນ (Thesis) |
14(0-0-70) |
|
|
ລວມພາກຮຽນທີIV |
14(0-0-70) |